News March 25, 2025

సత్యసాయి: భార్యపై హత్యాయత్నం.. భర్తకు పదేళ్ల జైలు శిక్ష

భార్యపై హత్యాయత్నం చేసిన కేసులో భర్తకు న్యాయస్థానం పదేళ్ల జైలు శిక్ష విధించిందని శ్రీ సత్యసాయి జిల్లా ఎస్పీ రత్న పేర్కొన్నారు. పుట్టపర్తి రూరల్ మండలంలోని వెంకటగారిపల్లి గ్రామానికి చెందిన గాయత్రిపై భర్త రాజశేఖర్ హత్యాయత్నం చేయగా 2017 అక్టోబర్ 11న ఆమె పోలీసులకు ఫిర్యాదు చేశారు. నేరం రుజువు కావడంతో అనంతపురం జిల్లా న్యాయమూర్తి శోభారాణి నిందితుడికి పదేళ్ల జైలు శిక్షతోపాటు రూ.5వేల జరిమానా విధించింది.