News September 30, 2024
సారవకోట: అత్యాచార కేసులో నిందితుడి అరెస్ట్
సారవకోట మండలంలో ఓ గ్రామానికి చెందిన 9వ తరగతి బాలికపై అత్యాచారం చేసిన కేసులో అదే ప్రాంతానికి చెందిన బుద్దల హేమసుందరరావును శనివారం రాత్రి అరెస్ట్ చేసినట్లు ఎస్ఐ అనిల్ కుమార్ తెలిపారు. బాలిక తల్లి ఇచ్చిన ఫిర్యాదు మేరకు కేసు నమోదు చేసి శ్రీకాకుళం మహిళా పోలీస్ స్టేషన్ డీఎస్పీ రాజశేఖర్ విచారణ చేశారన్నారు. యువకుడి అరెస్ట్ అనంతరం పాతపట్నం కోర్టులో హాజరు పర్చగా రిమాండ్ విధించినట్లు పేర్కొన్నారు.
Similar News
News October 15, 2024
SKLM: మద్యం షాపుల లాటరీలో ఆసక్తికర అంశాలు
జిల్లాలో మద్యం షాపుల లాటరీ విషయంలో కొన్ని ఆసక్తికర అంశాలు చోటుచేసుకున్నాయి. ➤సోంపేటకు చెందిన ఒక వ్యక్తి 45 దరఖాస్తులు చేయగా 1 దుకాణం వరించింది. ➤శ్రీకాకుళం నగరానికి చెందిన వైసీపీ నేత తన సన్నిహితులతో సిండికేట్‌గా ఏర్పడి 140 దరఖాస్తులు చేయగా 6 దుకాణాలు వచ్చాయి. ➤విజయనగరం జిల్లాకు చెందిన ఒక మిల్లరు జిల్లాలో 150 దరఖాస్తులు చేయగా కొన్ని దుకాణాలు వచ్చాయి. ➤నరసన్నపేట మహిళకు రెండు దుకాణాలు వచ్చాయి.
News October 15, 2024
SKLM: అల్పపీడనం కారణంగా హెల్ప్‌డెస్క్‌లు ఏర్పాటు
బంగాళాఖాతంలో అల్పపీడన కారణంగా భారీవర్షాలు కురిసే అవకాశం ఉన్నందున హెల్ప్ డెస్క్‌లు ఏర్పాటు చేశామని EPDCL SE కృష్ణమూర్తి ఒక ప్రకటనలో తెలిపారు. శ్రీకాకుళం డివిజన్ 94906 10045, 94906 12633, టెక్కలి 83328 43546, పలాస 73825 85630లలో విద్యుత్, స్తంభాలు, తీగలు నేలకొరిగినా వినియోగదారులు సంబంధిత డివిజన్ హెల్ప్ డెస్క్‌లను సంప్రదించాలని కోరారు. అలాగే టోల్ ఫ్రీ నంబరు 1912కు కూడా ఫోన్ చేయవచ్చాన్నారు.
News October 15, 2024
శ్రీకాకుళం: ‘స్వర్ణాంధ్ర -2047 ఆర్థిక వృద్ధికి పక్కా ప్రణాళిక ఉండాలి’
స్వర్ణాంధ్ర-2047 నాటికి ఆర్థిక వృద్ధి రేటు పెంచే దిశగా ప్రణాళికలు ఉండాలని ప్రభుత్వ ప్రధాన కార్యదర్శి నీరబ్ కుమార్ ప్రసాద్ వెల్లడించారు. సోమవారం స్వర్ణాంధ్ర-2047 పై మండల, జిల్లాల విజన్ ప్లానింగ్ పై జిల్లాల కలెక్టర్లతో ఆయన వీడియో కాన్ఫరెన్స్ నిర్వహించారు. కార్యక్రమంలో శ్రీకాకుళం జిల్లా కలెక్టర్ స్వప్నిల్ దినకర్ పుండ్కర్‌తో పాటు జాయింట్ కలెక్టర్ ఫర్మాన్ అహ్మద్ ఖాన్ పాల్గొన్నారు.