News January 28, 2025
సిద్దిపేట: జిల్లాలో 31,170 మందికి రైతు భరోసా జమ
రాష్ట్ర ప్రభుత్వం ప్రతిష్ఠాత్మకంగా చేపట్టిన రైతు భరోసా పథకం ద్వారా సిద్దిపేట జిల్లా వ్యాప్తంగా 31,170 రైతులకు రైతు భరోసా నిధులు జమ అయినట్టు జిల్లా వ్యవసాయ శాఖ అధికారి రాధిక ప్రకటనలో పేర్కొన్నారు.రైతు భరోసా పథకం ద్వారా నేరుగా రైతుల ఖాతాల్లో రూ.36.40 కోట్లు జమ అయినట్లు తెలిపారు.జిల్లాలోని 28 మండలల పరిధిలో ఒక్కో గ్రామం చొప్పున డబ్బులు జమ అయ్యాయని, మిగతా వారికి త్వరలోనే జమ కానున్నాయని తెలిపారు.
Similar News
News December 13, 2025
రాజయ్యపేట: ‘బల్క్ డ్రగ్ పార్క్కు అంగీకరించే ప్రసక్తే లేదు’
సీఎం చంద్రబాబుతో ఈనెల 16వ తేదీన భేటీ అయ్యే మత్స్యకార ప్రతినిధులు శనివారం నక్కపల్లి మండలం రాజయ్యపేటలో సమావేశం అయ్యారు. బల్క్ డ్రగ్ పార్క్కు ఎట్టి పరిస్థితుల్లోనూ అంగీకరించేది లేదని వారు నిర్ణయం తీసుకున్నారు. బొమ్మల పరిశ్రమ, షుగర్ ఫ్యాక్టరీలు లాంటి ప్రజలకు హాని కలగని పరిశ్రమల ఏర్పాటుకు తమకు ఎటువంటి అభ్యంతరం లేదని వారు పేర్కొన్నారు. సీఎంతో మాట్లాడే అంశాలపై మత్స్యకార నాయకులు చర్చించారు.
News December 13, 2025
బేబీ మసాజ్కు బెస్ట్ ఆయిల్స్ ఇవే..
పిల్లల సంపూర్ణ వికాసానికి తల్లిపాలు ఎంత అవసరమో వారి ఆరోగ్యానికి శరీర మర్దన కూడా అంతే అవసరం. అయితే దీనికోసం ప్లాంట్ ఆయిల్, కొబ్బరి నూనె, ఆలివ్ ఆయిల్, నువ్వుల నూనె, ఆవ నూనె వాడటం మంచిదని నిపుణులు సూచిస్తున్నారు. శరీరం మీద ఎటువంటి రాషెస్ దద్దుర్లు ఉన్నా కూడా ఈ ఆయిల్ మసాజ్ వల్ల నివారించొచ్చంటున్నారు. బేబీకి ఆయిల్ మసాజ్ చేసేటప్పుడు చేతికి ఎలాంటి ఆభరణాలు ఉండకుండా చూసుకోవాలి.
News December 13, 2025
చలికాలం.. కోళ్ల దాణా నిల్వలో జాగ్రత్తలు
కోళ్లకు మంచి దాణా అందించినప్పుడే వాటి పెరుగుదల బాగుంటుంది. అయితే దాణా నిల్వలోనూ తగిన జాగ్రత్తలు తీసుకోవాలని వెటర్నరీ అధికారులు సూచిస్తున్నారు. దాణా బస్తాలను నేలపై కాకుండా చెక్క పలకల మీద ఉంచాలి. గోడలకు తగలకుండా చూడాలి. తేమగా ఉన్న దాణాను నిల్వ చేయకూడదు. 2-3వారాలకు మించి దాణా నిల్వ ఉంచకూడదు. వేడి దాణా చల్లబడిన తర్వాత మాత్రమే గోదాముల్లో నిల్వ ఉంచాలి. లేదంటే బస్తాలపై తేమ ఏర్పడి బూజు పడుతుంది.