News September 25, 2024
సిద్దిపేట జిల్లా అభివృద్ధిపై ఇంచార్జి మంత్రి సమీక్ష
సిద్దిపేట జిల్లా అభివృద్ధి, సంక్షేమ పథకాలపై ఉమ్మడి జిల్లా ఇంచార్జీ మంత్రి కొండా సురేఖ సమీక్ష నిర్వహించారు. జిల్లా కలెక్టర్ కార్యాలయంలో కలెక్టర్ మనూ చౌదరితో కలిసి ఆయా అంశాలపై సమగ్రంగా సమీక్ష నిర్వహిస్తున్నారు. మెదక్ ఎంపీ రఘునందన్ రావు, ఎమ్మెల్యేలు హరీశ్ రావు, కొత్త ప్రభాకరరెడ్డి, కవ్వంపల్లి సత్యనారాయణ, ఎస్సీ, ఎస్టీ కమిషన్ చైర్మన్ బక్కి వెంకటయ్య పాల్గొన్నారు.
Similar News
News October 13, 2024
పుల్కల్: సింగూరులో స్నానానికి వెళ్లిన వ్యక్తి మృతి
పుల్కల్ మండలం సింగూరు నదిలో స్నానానికి వెళ్లిన వ్యక్తి మృతి చెందారు. పోలీసుల కథనం ప్రకారం.. సింగూరు గ్రామానికి చెందిన విటల్ (42) శనివారం సాయంత్రం స్నానం కోసం సింగూరు నదిలోకి వెళ్లారు. సింగూరు దిగువ భాగాన స్నానం చేస్తుండగా నదిలో గల్లంతయ్యాడు. విషయం తెలుసుకున్న పోలీసులు వెంటనే గాలింపు చర్యలు చేపట్టారు. ఆదివారం మృతదేహాన్ని వెలికి తీశారు. కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు.
News October 13, 2024
మెదక్లో ఈనెల15న టేబుల్ టెన్నిస్ ఎంపికలు
మెదక్ జిల్లా టేబుల్ టెన్నిస్ అసోషియేషన్ ఆద్వర్యంలో ఉమ్మడి మెదక్ జిల్లాస్థాయి టోర్నమెంట్ ఈనెల 15న సెలక్షన్స్ (ఎంపిక పోటీలు) గుల్షన్ క్లబ్ మెదక్లో నిర్వహిస్తున్నట్లు కార్యదర్శి డా. కొక్కొండ ప్రభు తెలిపారు. జూనియర్, సీనియర్ విభాగాలలో బాల, బాలికలకు ఓపెన్ కేటగిరిలో స్త్రీ, పురుషులకు పోటీలుంటాయని తెలిపారు. ఆసక్తిగల క్రీడాకారులు పుట్టిన తేదీ దృవ పత్రాలతో డి.రవితేజ, అనిష్‌లను సంప్రదించాలని సూచించారు.
News October 13, 2024
సిద్దిపేట: ‘అందరికి శుభం జరగాలి’
సిద్దిపేట జిల్లా కేంద్రంలోని నర్సాపూర్, రంగాధంపల్లి, రూరల్ పోలీస్ స్టేషన్ చౌరస్తాలో దసరా వేడుకల్లో భాగంగా ఏర్పాటు చేసిన రావణ దహన కార్యక్రమంలో మాజీ మంత్రి, ఎమ్మెల్యే హరీష్ రావు పాల్గొన్నారు. ఈ సందర్బంగా హరీష్ రావు మాట్లాడుతూ.. విజయ దశమి అంటే చెడుపై మంచి విజయం సాధించడమని అన్నారు. ఈరోజు పాల పిట్టను చూస్తే మంచి జరుగుతుందని, అందరికి శుభం జరగాలని ఆకాంక్షించారు.