News February 9, 2025

సిద్దిపేట: పూర్వ విద్యార్థుల అపూర్వ కలయిక

సిద్దిపేట జిల్లా చిగురుమామిడి మండలం ఇందుర్తి ప్రభుత్వ పాఠశాలలో 1982 సంవత్సరంలో 10వ తరగతి చదువుకున్న విద్యార్థులు ఆత్మీయ సమ్మేళనం నిర్వహించారు. 42 సంవత్సరాలకు వారు చదువుకున్న పాఠశాల కలుసుకోడానికి ఆదివారం వేదికైంది. రూ.50 వేల విలువైన సౌండ్ సిస్టమ్‌ను అమెరికాలో ఉంటున్న పూర్వ విద్యార్థి కే.సదాశివ అందజేశారు. అనంతరం తమకు చదువు చెప్పిన ఉపాధ్యాయులను ఘనంగా సన్మానించారు.