News March 2, 2025
సిద్దిపేట: మహిళలు మౌనం వీడితే గెలిచినట్టే: సీపీ
మహిళలు మౌనం వీడి సమస్యలు చెబితే గెలిచినట్లేనని సిద్దిపేట పోలీస్ కమిషనర్ అనురాధ అన్నారు. ఆదివారం సీపీ మాట్లాడుతూ.. మహిళలు మౌనంగా ఉండి కష్టాలు కొని తెచ్చుకోవద్దని సూచించారు. అలాగే ప్రజలు సైబర్ నేరాలపట్ల అప్రమత్తంగా ఉండాలన్నారు. జిల్లాలో షీ టీమ్స్, మహిళలకు, బాలికలకు భద్రత భరోసాపై అధికారులతో ఆదివారం సమీక్ష నిర్వహించారు.
Similar News
News January 6, 2026
జిల్లాలను పునర్వ్యవస్థీకరిస్తాం: పొంగులేటి
TG: గత ప్రభుత్వం మండలాలు, రెవెన్యూ డివిజన్లు, జిల్లాలను అశాస్త్రీయంగా విభజించిందని మంత్రి పొంగులేటి శ్రీనివాసరెడ్డి అసెంబ్లీలో విమర్శించారు. దీనివల్ల ఒకే నియోజకవర్గంలోని నాలుగు మండలాలు 4 జిల్లాల్లోకి వెళ్లిపోయాయన్నారు. రాష్ట్రంలో కొత్త మండలాలు, డివిజన్ల ఆవశ్యకతను కూడా గుర్తించామని చెప్పారు. సీఎం రేవంత్ నేతృత్వంలో అందరి ఆమోదంతో జిల్లాల పునర్వ్యవస్థీకరణ చేపడతామని తెలిపారు.
News January 6, 2026
రోస్టర్ డేటింగ్.. ఏంటీ కొత్త ట్రెండ్? యువత ఎందుకు మొగ్గు చూపుతోంది?
రోస్టర్ డేటింగ్ అంటే ఒకే టైమ్లో చాలా మందితో డేటింగ్ చేయడం. నచ్చిన కొంతమందిని సెలక్ట్ చేసుకుని వారితో టచ్లో ఉంటారు. ఎవరికీ పర్టికులర్గా కమిట్మెంట్ ఇవ్వకుండా అందరితో సరదాగా చాట్ చేస్తూ లేదా మీట్ అవుతూ టైమ్ స్పెండ్ చేయడం అన్నమాట. ముఖ్యంగా ఎవరితో సీరియస్ రిలేషన్షిప్లోకి వెళ్లాలో తేల్చుకోలేనప్పుడు పర్ఫెక్ట్గా సెట్ అయ్యే వ్యక్తిని వెతుక్కోవడానికి ఈ ట్రెండ్ను ఫాలో అవుతున్నారు.
News January 6, 2026
VKB: మున్సిపల్ ఎన్నికలకు సిద్ధం కావాలి: కలెక్టర్
ఎన్నికల నోటిఫికేషన్ వెలువడిన వెంటనే ఎన్నికలు నిర్వహించేందుకు అన్ని ఏర్పాట్లు సిద్ధం చేసుకోవాలని కలెక్టర్ ప్రతీక్ జైన్ అధికారులకు ఆదేశించారు. మంగళవారం కలెక్టరేట్లో మున్సిపల్ అధికారులతో కలెక్టర్ ఎన్నికల నిర్వహణపై సమీక్ష సమావేశం నిర్వహించారు. ఎన్నికల నిర్వహణకు ఎలాంటి ఇబ్బందులు తలెత్తకుండా కనీస సౌకర్యాలు కల్పించేలా పోలింగ్ కేంద్రాలు ఏర్పాటు చేయాలని తెలిపారు.