News March 23, 2025
సిద్దిపేట: వేడి నీటిలో పడ్డ చిన్నారి.. చికిత్స పొందుతూ మృతి
ప్రమాదవశాత్తు వేడి నీటిలో పడి, చికిత్స పొందుతూ చిన్నారి మృతి చెందిన ఘటన సిద్దిపేట జిల్లా మిరుదొడ్డి మండలంలో జరిగింది. పోలీసుల వివరాలు.. చెప్యాల గ్రామానికి చెందిన పుష్పాల శ్రీశైలం, రవళికి మూడు సంవత్సారాల కూతురు ఉంది. గత నెల 23వ తేదీన స్నానం చేయించడానికి వేడి నీరు పెట్టింది. సబ్బు కోసం రవళి ఇంట్లోకి వెళ్లగా చిన్నారి వేడి నీటిలో పడింది. ఆసుపత్రిలో చికిత్స పొందుతూ నిన్న రాత్రి మృతి చెందింది.
Similar News
News November 30, 2025
NGKL: సర్పంచ్ నుంచి మంత్రి దాకా చర్లకోల ప్రస్థానం..!
తిమ్మాజీపేట మండలం ఆవంచ గ్రామానికి చెందిన చర్లకోల లక్ష్మారెడ్డి రాజకీయ ప్రస్థానం సర్పంచ్‌గా మొదలైంది. ఆయన 1985లో ఆవంచ సర్పంచ్‌గా గెలుపొందారు. ఆ తర్వాత గ్రంథాలయ ఛైర్మన్‌గా పనిచేశారు. 2004 మరియు 2014లో జడ్చర్ల నుంచి బీఆర్‌ఎస్ ఎమ్మెల్యేగా ఎన్నికయ్యారు. 2014లో విద్యుత్, ఆరోగ్య శాఖల మంత్రిగా కూడా పనిచేసి, 2018లో మరోసారి ఎమ్మెల్యేగా విజయం సాధించారు.
News November 30, 2025
HYD: కేటీఆర్ మాటలు జాగ్రత్త.. సహించేది లేదు: దయాకర్
ముఖ్యమంత్రిపై నోరు జారితే సహించేది లేదని, కేటీఆర్ మాటలు అదుపులో పెట్టుకోవాలని టీపీసీసీ జనరల్ సెక్రెటరీ చనగని దయాకర్ హెచ్చరించారు. కేటీఆర్‌కు లాగు లేనప్పుడే మహేష్ కుమార్ గౌడ్ రాజకీయాల్లో ఉన్నారని ఆయన వ్యాఖ్యానించారు. మహేష్ గౌడ్ 1984 నుండే రాజకీయాల్లో ఉండి, 30 ఏళ్లుగా కాంగ్రెస్ పార్టీకి నిబద్ధతగా పనిచేస్తున్నారని, కేటీఆర్ మాట్లాడే విధానం మార్చుకోవాలని సూచించారు.
News November 30, 2025
NZB: అంతర్జాతీయ సైన్స్ ఫెస్టివల్‌కు జిల్లా ఉపాధ్యాయుడు
NZB దుబ్బ ప్రభుత్వ పాఠశాల ఉపాధ్యాయుడు చల్లా ముద్దుకృష్ణ ప్రతిష్టాత్మకమైన ఇండియా ఇంటర్నేషనల్ సైన్స్ ఫెస్టివల్(IISF)-2025కు ఎంపికయ్యారు. డిసెంబర్ 6 నుంచి 9 పంజాబ్ రాష్ర్టంలోని చండీఘడ్‌లో నిర్వహించనున్న కార్యక్రమంలో 2 ప్రధాన విభాగాల్లో పాల్గొనడానికి అధికారికంగా ఆహ్వానం అందుకున్నారు. సైన్స్ సఫారీ-సైన్స్ టాయ్స్ అండ్ గేమ్స్ అడ్వెంచర్, ఎంపవరింగ్ ఇండియా-యంగ్ సైంటిస్ట్ కాన్‌క్లేవ్‌లో ఆయన పాల్గొంటారు.