News October 28, 2024
సిరిసిల్ల: ఆరుగురు స్పెషల్ పోలీసుల డిస్మిస్
పలు డిమాండ్లు నెరవేర్చాలని ఆందోళనలు చేస్తోన్న తెలంగాణ స్పెషల్ పోలీస్(TGSP) సిబ్బందిపై ప్రభుత్వం చర్యలు తీసుకుంటోంది. శనివారం 39 మందిని సస్పెండ్ చేసిన అధికారులు.. వారిలో 10 మందిని ఉద్యోగాల నుంచి తొలగించింది. డిస్మిస్ చేసిన వారిలో 17వ బెటాలియన్‌ సిరిసిల్లకు చెందిన ARSI సాయిరామ్, కానిస్టేబుళ్లు లక్ష్మీనారాయణ, కరుణాకర్ రెడ్డి, వంశీ, అశోక్, శ్రీనివాస్‌లు ఉన్నారు. ఏడీజీ సంజయ్ ఉత్తర్వులు జారీ చేశారు.
Similar News
News November 30, 2025
కరీంనగర్‌లో ప్రజావాణి తాత్కాలికంగా రద్దు
గ్రామ పంచాయతీ ఎన్నికల షెడ్యూల్ విడుదలైన నేపథ్యంలో కరీంనగర్ జిల్లాలో ప్రతీ సోమవారం నిర్వహించే ప్రజావాణి కార్యక్రమాన్ని తాత్కాలికంగా రద్దు చేస్తున్నట్లు కలెక్టర్ పమేలా సత్పతి ప్రకటించారు. ఎన్నికల కోడ్ ముగిసేంత వరకు ఈ రద్దు కొనసాగుతుందని, అనంతరం యథావిధిగా కార్యక్రమం పునఃప్రారంభమవుతుందని ఆమె తెలిపారు. ఈ విషయాన్ని ప్రజలు గమనించాలని కలెక్టర్ సూచించారు.
News November 30, 2025
KNR: ముగిసిన మొదటి విడత సర్పంచ్ ఎన్నికల నామినేషన్
కరీంనగర్ జిల్లాలో మొదటి విడత గ్రామపంచాయతీ సర్పంచ్ ఎన్నికల నామినేషన్ ప్రక్రియ శనివారం ముగిసింది. సర్పంచ్ స్థానాలకు 739 నామినేషన్లు దాఖలు అయినట్లు అధికారులు తెలిపారు. చొప్పదండి 124 , గంగాధర 266, రామడుగు 172, కరీంనగర్ రూరల్ 100, కొత్తపల్లి 68 మండలాల్లోని గ్రామాలలో సర్పంచ్ ఎన్నికల నామినేషన్లు దాఖలయ్యాయి. 92 గ్రామాలలో 866 వార్డులు ఉండగా, 2174 నామినేషన్లు వచ్చినట్లు తెలిపారు.
News November 30, 2025
KNR: ట్రెండ్ మారింది.. సోషల్ మీడియా వేదికైంది..!
స్థానిక సంస్థల ఎన్నికల్లో అభ్యర్థులు వినూత్న ప్రచారానికి శ్రీకారం చుట్టారు. సమయం తక్కువగా ఉండడంతో సోషల్ మీడియాపై దృష్టి సారించారు. ఉమ్మడి KNR జిల్లాలోని గ్రామాల్లో పనుల నిమిత్తం ప్రజలు బీజీగా ఉండడంతో ఇంటింటి ప్రచారం కుదరదనే భావంతో ఇలా చేస్తున్నట్లు తెలుస్తోంది. అలాగే, ఉద్యోగ రీత్యా బయట పట్టణాలకు వెళ్లిన వారి దృష్టి కూడా ఆకర్షించే యోచనలో భాగంగా ఇలా ప్రచారం చేస్తున్నారు.