News March 13, 2025
సిరిసిల్ల :ఎస్పీని కలిసిన బీఆర్ఎస్ నేతలు
రాజన్న సిరిసిల్ల జిల్లా ఎస్పీగా నూతనంగా బాధ్యతలు స్వీకరించిన మహేష్ బి గీతేను బీఆర్ఎస్ పార్టీ జిల్లా అధ్యక్షులు తోటా ఆగయ్య నేడు మర్యాదపూర్వకంగా కలిశారు. పూల మొక్క అందజేసి శుభాకాంక్షలు తెలిపారు. ఆయన వెంట బీఆర్ఎస్ పార్టీ పట్టణ అధ్యక్షులు చక్రపాణి, మాజీ మున్సిపల్ వైస్ చైర్మన్ శ్రీనివాస్, నాయకులు లక్ష్మీనారాయణ, మురళి, శ్రీనివాస్, సర్దార్ ఉన్నారు.
Similar News
News November 29, 2025
వెండే బంగారమాయేనా…
బంగారం కొనలేనివారు వెండితో సరిపెట్టుకునేవారు. కానీ ఇప్పుడు వెండి.. బంగారంతో పోటీపడుతోంది. కేజీ సిల్వర్ రేట్ రూ.2 లక్షల వైపు శరవేగంగా దూసుకెళ్తోంది. కేవలం 5 రోజుల్లోనే రూ.21 వేలు పెరగడం గమనార్హం. HYD బులియన్ మార్కెట్లో ఈ వారం మొదట్లో రూ.1,74,000గా ఉన్న కేజీ సిల్వర్ రేట్ ఇవాళ రూ.1,92,000కు చేరింది. రేట్ల పెరుగుదల పెట్టుబడిదారులకు ఆనందం కలిగిస్తున్నా అవసరానికి కొనాలనుకునేవారికి ఆందోళన కలిగిస్తోంది.
News November 29, 2025
వరంగల్: ఆ సీసీపై ఎందుకంత ప్రేమ..?
ఆయనో జిల్లా అధికారి. ఆయన దగ్గర వినయ విధేయతలతో పనిచేసినందుకు తనతో పాటు అతన్ని తీసుకెళ్లిన ఘటన ఉమ్మడి వరంగల్‌లో జరిగింది. ఇటీవల జరిగిన బదిలీల్లో ఆ జిల్లా అధికారికి పక్కనే ఉన్న జిల్లాకు బదిలీ అయ్యింది. ఇక్కడి వరకు బాగానే ఉన్నా, తనతో పాటుగా తన దగ్గర పనిచేస్తున్న క్యాంపు కర్ల్కును సైతం వెంట తీసుకెళ్లడం హాట్ టాపికైంది. సీసీ దగ్గర మొత్తం బాగోతం ఉండటంతోనే అతన్ని కూడా వెంట తీసుకెళ్లారంటూ చర్చ జరుగుతోంది.
News November 29, 2025
మంత్రి వద్దన్నా.. రేణిగుంటలో మళ్లీ పోస్టింగ్.!
అవినీతి ఆరోపణలతో సస్పెండైన రేణిగుంట రిజిస్ట్రార్ ఆనంద్ రెడ్డి మళ్లీ అక్కడే పోస్టింగ్ పొందారు. ఆయనకు ఉద్యోగం ఇవ్వాలంటూ స్పెషల్ CS పంపిన ఫైల్‌ను మంత్రి అనగాని తిరస్కరించారు. ఇందుకు విరుద్ధంగా ఇటీవల చిత్తూరు రిజిస్ట్రేషన్ శాఖ ఇన్‌ఛార్జ్ DIGగా బాధ్యతలు స్వీకరించిన వ్యక్తి ఆనంద్‌కు మళ్లీ రేణిగుంటలో పోస్టింగ్ ఇస్తూ ఉత్తర్వులు జారీ చేశారు. దీంతో ఆనంద్ రేంజ్ ఏంటో అర్థమవుతుందని పలువురు చర్చించుకుటున్నారు.