News August 2, 2024

సిరిసిల్ల: డెంగ్యూతో మహిళ మృతి

సిరిసిల్ల జిల్లాలో విషాదం నెలకొంది. స్థానికుల వివరాల ప్రకారం.. చందుర్తి మండలం మర్రిగడ్డకు చెందిన అంజలి(53) ఐదు రోజుల క్రితం అనారోగ్యం బారిన పడగా ఆస్పత్రికి తరలించారు. వైద్యులు పరీక్షించి డెంగ్యూతో పాటు ఊపిరితిత్తుల్లో నీరు చేరిందని నిర్ధారించారు. దీంతో కరీంనగర్లోని ఓ ప్రైవేట్ ఆస్పత్రికి తరలించారు. పరిస్థితి విషమించడంతో HYD తరలిస్తుండగా మార్గమధ్యలో గురువారం రాత్రి మృతిచెందింది.