News April 7, 2025
సీఎం చంద్రబాబుకే సాధ్యం: హోం మంత్రి అనిత
వృద్ధిరేటులో ఏపీ రెండో స్థానంలో నిలిచినట్లు రాష్ట్ర హోంశాఖ మంత్రి వంగలపూడి అనిత ‘ఎక్స్’లో పేర్కొన్నారు. వైసీపీ ఐదేళ్ల పాలనలో విధ్వంసం అయిన అన్ని వ్యవస్థలను గాడిలో పెడుతూ ఏడాది తిరగకుండానే కూటమి ప్రభుత్వం ఈ రికార్డు సాధించిందని అన్నారు. అభివృద్ధితోపాటు వృద్ధిరేటు సాధించడంలో ప్రపంచమంతా ఏపీ వైపు చూసేలా చేయడం విజనరీ సీఎం చంద్రబాబుకే సాధ్యం అన్నారు.
Similar News
News November 27, 2025
జనగామ: మొదటి రోజు 108 నామినేషన్లు దాఖలు
జనగామ జిల్లాలో మొదటి విడతలో భాగంగా చిల్పూర్, స్టేషన్ ఘనపూర్, రఘునాథ్‌పల్లి, జాఫర్‌గఢ్, లింగాల గణపురం 5 మండలాల్లో పంచాయతీ ఎన్నికలు నిర్వహించేందుకు ఈరోజు నుంచి నామినేషన్ల ప్రక్రియ ప్రారంభమైన విషయం తెలిసిందే. చిల్పూర్-17, స్టేషన్ ఘనపూర్-17, రఘునాథ్‌పల్లి-35, జాఫర్‌గఢ్-24, లింగాల గణపురం-15 సర్పంచ్ నామినేషన్లు వచ్చినట్లు అధికారులు తెలిపారు. మొత్తం 108 నామినేషన్లు వచ్చినట్లు చెప్పారు.
News November 27, 2025
మెదక్ జిల్లాలో మొదటి రోజు 55 నామినేషన్లు
మెదక్ జిల్లాలో మొదటి రోజు 55 సర్పంచ్ స్థానాలకు నామినేషన్లు దాఖలయ్యాయి. అల్లాదుర్గంలో 5, రేగోడులో 6, పెద్ద శంకరంపేటలో 7, టేక్మాల్‌లో 5, పాపన్నపేటలో 13, హవెలిఘనాపూర్లో 16 చొప్పున నామినేషన్లు దాఖలు అయ్యాయి. అలాగే వాడు మెంబర్ స్థానాలకు టేక్మాల్ మండలంలో ఒకటి, హవేలిఘనపూర్‌లో మూడు నామినేషన్ దాఖలైనట్లు జిల్లా పంచాయతీ అధికారులు పేర్కొన్నారు. రేపు, ఎల్లుండి ఎక్కువ సంఖ్యలో నామినేషన్ దాఖలు అయ్యే అవకాశం ఉంది.
News November 27, 2025
ఎన్నికలకు అవసరమైన బందోబస్తు సిద్ధం: ADB SP
ఆదిలాబాద్ జిల్లాలో ఎన్నికలు ప్రశాంతంగా జరిగేందుకు అవసరమైన భద్రతా బందోబస్తు ఇప్పటికే సిద్ధం చేస్తున్నామని SP అఖిల్ మహాజన్ తెలిపారు. సమస్యాత్మక ప్రాంతాలను ముందుగానే గుర్తించి చర్యలు తీసుకునేలా పోలీసు విభాగం సన్నద్ధమైందన్నారు. శాంతియుత ఎన్నికల నిర్వహణకు ప్రతి ఒక్కరి సహకారం అవసరమని తెలిపారు. ప్రజలు రూ.50వేల కంటే ఎక్కువ నగదు తీసుకువెళ్తే తప్పనిసరిగా రసీదులు, డాక్యుమెంట్లు ఉండాలని సూచించారు.