News March 26, 2025
సీఎం రేవంత్ హుజూర్నగర్ పర్యటన షెడ్యూల్
HNRలో ఈ నెల 30న సీఎం రేవంత్ రెడ్డి పర్యటన వివరాలను మంత్రి ఉత్తమ్ వెల్లడించారు. సాయంత్రం ఐదు గంటలకు హైదరాబాద్ నుంచి హెలికాఫ్టర్లో బయలుదేరి 5.45కు HNR రామస్వామి గుట్టలో డబల్ బెడ్ రూం ఇళ్లను పరిశీలిస్తారు. 6.15కి బహిరంగ సభలో ప్రసంగిస్తారు. 6.15 నుంచి 7.30 వరకు సన్న బియ్యం పంపిణీని లాంఛనంగా ప్రారంభిస్తారు. 7.30 తిరిగి హైదరాబాద్ పయనమవుతారు. సీఎం రేవంత్ పర్యటనకు సంబంధించి ఏర్పాట్లు జరుగుతున్నాయి.
Similar News
News December 6, 2025
విజయనగరం: పెన్షన్ దారులకు అలర్ట్.!
జిల్లాలో కుటుంబ పెన్షన్ దారులు 2026 సంవత్సరానికి లైఫ్ సర్టిఫికెట్ను తప్పనిసరిగా జనవరి 1 నుంచి ఫిబ్రవరి 28లోపు సమర్పించాల్సి ఉంటుందని జిల్లా ఖజానా అధికారి నాగ మహేశ్ శనివారం తెలిపారు. నవంబర్, డిసెంబర్ 2025లో సమర్పించిన లైఫ్ సర్టిఫికెట్లు 2026కి చెల్లవని, ఇప్పటికే సమర్పించినవారు మళ్లీ ఇవ్వాల్సిందేనని స్పష్టం చేశారు. ఉప ఖజానా కార్యాలయాల్లో సర్టిఫికెట్లు సమర్పించవచ్చని తెలిపారు.
News December 6, 2025
‘పదో తరగతి ఫలితాల్లో నూరు శాతం ఉత్తీర్ణత సాధించాలి’
పదో తరగతిలో విద్యార్థులు ఈ సంవత్సరం నూరు శాతం ఉత్తీర్ణత సాధించేలా మండల విద్యాశాఖ అధికారులు పర్యవేక్షించాలని కలెక్టర్ వినోద్ కుమార్ అన్నారు. జిల్లాలోని ఎంఈఓలు ఇతర అధికారులతో కలెక్టర్ శనివాకం వీడియో కాన్ఫరెన్స్ నిర్వహించి మాట్లాడారు. ఉపాధ్యాయులు పిల్లలకు పాఠాలు చెప్పడంతోపాటు సమాజంపై అవగాహన కల్పించాల్సిన అవసరం ఉందన్నారు. సామాజిక బాధ్యతను విద్యార్థులకు తెలియజేయాలన్నారు.
News December 6, 2025
వెంకటపురం పరిసరాల్లో ఏనుగుల గుంపు సంచారం
జియ్యమ్మవలస మండలం వెంకటపురం పరిసర గ్రామాల్లో శనివారం ఏనుగుల గుంపు సంచారం చేసి స్థానికులను భయభ్రాంతులకు గురిచేసింది. అరటి తోటల్లోకి చొచ్చుకెళ్లిన ఏనుగులు పంట నష్టం కలిగించినట్టు రైతులు ఆందోళన వ్యక్తం చేశారు. ఈ నేపథ్యంలో, రాత్రి వేళల్లో గ్రామస్థులు అప్రమత్తంగా ఉండాలని అటవీశాఖ అధికారులు సూచించారు.