News January 29, 2025
సీపీఎం రాష్ట్ర కమిటీలో ఖమ్మం జిల్లా నుంచి నలుగురికి అవకాశం
సీపీఎం పార్టీ రాష్ట్ర కమిటీలో ఖమ్మం జిల్లాకు అధిక ప్రాధాన్యత ఇచ్చారు. ఖమ్మం జిల్లా నుంచి ఎర్ర శ్రీకాంత్, పొన్నం వెంకటేశ్వర్లు, నున్నా నాగేశ్వరరావు, మాచర్ల భారతిని రాష్ట్ర కమిటీలోకి తీసుకున్నారు. సంగారెడ్డి జిల్లాలో జరిగిన సీపీఎం పార్టీ రాష్ట్ర మహాసభలో ఎన్నుకున్నారు. దీంతో వారికి పలు పార్టీల నాయకులు అభినందనలు తెలిపారు.
Similar News
News January 31, 2025
KMM: మార్చి 31లోగా రైతు భరోసా: మంత్రి తుమ్మల
రైతు భరోసా నిధులపై మంత్రి తుమ్మల నాగేశ్వరరావు కీలక ప్రకటన చేశారు. మార్చి 31వ తేదీలోపు రైతులందరి ఖాతాల్లో నగదు జమ చేస్తామని ప్రకటించారు. ఒక ఏడాదిలోనే రైతుల సంక్షేమం కోసం రూ.54వేల కోట్లు ఖర్చు చేశామని గుర్తు చేశారు. బడ్జెట్లో రూ.72,000 కోట్ల నిధులను వ్యవసాయం కోసం, వ్యవసాయ అనుబంధ రంగాలకి కేటాయించినట్లు చెప్పుకొచ్చారు. రైతులకు ఫ్రీ కరెంటు ఇవ్వడంలో ఇబ్బందులు తలెత్తకుండా చూస్తున్నామని పేర్కొన్నారు.
News January 30, 2025
KMM: అన్నం తింటూ గుండెపోటుతో వ్యక్తి మృతి
గుండెపోటుతో ఓ వ్యక్తి మృతి చెందిన ఘటన మధిర మండలంలో గురువారం మధ్యాహ్నం చోటు చేసుకుంది. స్థానికులు తెలిపిన వివరాల ప్రకారం.. మధిర మండల కేంద్రంలోని బంజారా కాలనీకి చెందిన పుచ్చకాయల గోపిరాజు ఈరోజు మధ్యాహ్నం కుటుంబ సభ్యులతో కలిసి భోజనం చేస్తుండగా ఒక్కసారిగా ఛాతీలో నొప్పి ఉందంటూ కుప్పకూలిపోయి మృతి చెందినట్లు చెప్పారు. మృతుడికి భార్య, ఇద్దరు కుమార్తెలు ఉన్నారు.
News January 30, 2025
KMM: అర్చకులకు గుడ్ న్యూస్… నిధులు విడుదల
ఖమ్మం జిల్లాలోని వెనుకబడిన ఆలయాల నిర్వహణకు రూపొందించిన ధూప దీప నైవేద్యాలు (డీడీఎన్) పథకం నిధులు విడుదలయ్యాయి. 2024 నవంబర్, డిసెంబర్ నెలల్లో పెండింగ్ బకాయిలను అర్చకుల ఖాతాల్లో దేవాదాయ శాఖ అధికారులు జమ చేశారు. ఖమ్మం జిల్లా లోని 330 దేవాలయాల్లో పనిచేస్తున్న అర్చకులకు ఒక్కొక్కరికి రూ.20 వేల చొప్పున వారి ఖాతాల్లో జమయ్యాయి.