News March 14, 2025
సూర్యాపేట: బాల్యంలో ఈ పూలతోనే హోలీ (PHOTO)
సూర్యాపేటలో ఓ చెట్టుకు విరబూసిన మోదుగ పూలు మన బాల్యాన్ని గుర్తుచేస్తున్నాయి. ఒంటిపూట బడికెళ్తుంటే రోడ్డు పక్కనే ఇవి గుబాలించేవి. ఈ పూల మకరందం రుచిచూసి మైమరచిన బాల్యం మళ్లీ గుర్తొస్తోంది. పండగొస్తుంది అనే సంబరంలో ఎండలో తిరిగి ఈ పూలను ఒకరోజు ముందే సేకరించేవాళ్లం. నీటిలో ఉడికించి రంగు ఊరిన నీళ్లతో ఆడిన హోలీ బాల్యంలో ఓ మధురజ్ఞాపకమే. ఈ ఏడాదైనా మోదుగ పూలతో హోలీ జరుపుకుందాం. ఆరోగ్యంగా ఉందాం. HAPPY HOLI
Similar News
News February 10, 2026
ప్రకాశం: ‘సొంత చెల్లిపై అన్న లైంగిక దాడి’
సొంత చెల్లిపై లైంగిక దాడికి పాల్పడ్డ అన్నకు విజయవాడ పోక్సో కోర్టు సోమవారం ‘జీవిత ఖైదు’ విధించింది. ప్రకాశం(D) కొండపి(M) పెట్లూరుకి చెందిన ఓ వ్యక్తికి ముగ్గురు సంతానం. భార్య విడిపోయి ఇద్దరు కూతుర్లతో కృష్ణా జిల్లాకు వెళ్లగా కొడుకు తండ్రి వద్దే ఉన్నాడు. ఈ క్రమంలో అమ్మవద్దకు వెళ్లొస్తానన్న కొడుకు పెద్దచెల్లి(17)పై లైంగిక దాడి చేశాడు. కుమార్తె గర్భిణీ కాగా తల్లి కేసు పెట్టడంతో నిన్న శిక్ష పడింది.
News February 10, 2026
పార్వతీపురం: ‘ప్రియుడితో కలిసి భర్తను చంపడానికి ప్లాన్’
ఓ భార్య భర్తను చంపడానికి ప్రయత్నించిన ఘటన ఇది. పాచిపెంట(M) విశ్వనాథపురానికి చెందిన కిర్ల కుమార్, ఈశ్వరమ్మకు 20ఏళ్ల క్రితం వివాహమైంది. నాలుగేళ్ల నుంచి ఈశ్వరమ్మకు తవిటి నాయుడితో వివాహేతర బంధం ఏర్పడింది. ఇటీవల భర్తకు ఈ విషయం తెలిసింది. దీంతో భార్య పక్కా ప్లాన్తో భర్తను పొలం వద్దకు తీసుకెళ్లగా.. అక్కడ ఆమె తన ప్రియుడు, తమ్ముడితో కలిసి భర్తపై కొడవలితో దాడి చేసింది. పోలీసులు నిందితులను అరెస్ట్ చేశారు.
News February 10, 2026
నెల్లూరు: ప్రైవేట్ స్కూళ్లలో ఫ్రీగా చదువు..!
విద్యాహక్కు చట్టంలో భాగంగా ప్రైవేట్ స్కూళ్లలో పేద విద్యార్థులకు 25 శాతం సీట్లు ఉచితంగా కేటాయిస్తున్నారు. నెల్లూరు జిల్లాలో వీటికి దరఖాస్తులు ఆహ్వానిస్తున్నట్లు సమగ్రశిక్ష ఏపీసీ వెంకటసుబ్బయ్య ఓ ప్రకటనలో తెలిపారు. ఒకటో తరగతిలో ప్రవేశాలకు తల్లిదండ్రులు ఈనెల 20వ తేదీ నుంచి మార్చి 10వ తేదీలోగా గ్రామ సచివాలయం, MRCలో దరఖాస్తు చేసుకోవాలని కోరారు.