News January 29, 2025
సూర్యాపేట: బావమరుదులే చంపారు!
సూర్యాపేట జిల్లాలో సంచలనం సృష్టించిన <<15277486>>పరువు హత్య<<>> కేసులో బావమరుదలే బావను చంపారని పోలీసుల ప్రాథమిక విచారణలో తేలింది. తమ సోదరి కులాంతర వివాహం చేసుకొని పరువు తీసిందని భావించిన ఆమె సోదరులు ప్లాన్ ప్రకారం కృష్ణను హత్య చేశారని ప్రాథమికంగా నిర్ధారించారు. నిందితులు మృతదేహాన్ని కారులో వేసుకొని 100 కిమీ వెళ్లారని, మళ్లీ తీసుకొచ్చి తన చెల్లి ఇంటి సమీపంలో వేసి లొంగిపోయారన్నారు.
Similar News
News November 26, 2025
రాయికల్‌లో అత్యధికం.. జగిత్యాలలో అత్యల్పం
జగిత్యాల జిల్లాలో అత్యధికంగా గ్రామపంచాయతీలు రాయికల్ మండలంలో ఉండగా అత్యల్పంగా జగిత్యాల అర్బన్ మండలంలో ఉన్నాయి. రాయికల్ మండలంలో 32 పంచాయతీలు, 276 వార్డులు ఉన్నాయి. జగిత్యాల అర్బన్ మండలంలో 5 పంచాయతీలు, 50 వార్డులున్నాయి. త్వరలో జరగనున్న సర్పంచ్ ఎన్నికలలో రాయికల్ మండలంలో 32 మంది సర్పంచులు, 276 మంది వార్డు సభ్యులు, జగిత్యాల అర్బన్ మండలంలో ఐదుగురు సర్పంచులు, 50 మంది వార్డు సభ్యులు ఎన్నికవ్వనున్నారు.
News November 26, 2025
మిరపలో కొమ్మ ఎండు, కాయ కుళ్లు తెగులు – నివారణ
మిరపలో ఈ తెగులు తొలుత లేత కొమ్మలు, పూతకు ఆశించడం వల్ల పూత రాలి, చివర్ల నుంచి కొమ్మలు కిందకు ఎండుతాయి. కాయలను ఆశించడం వల్ల కాయల మీద నల్లటి మచ్చలు ఏర్పడి, కుళ్లి రాలిపోతాయి. ఈ తెగులు నివారణకు ఎకరాకు 200 లీటర్ల నీటిలో డైఫెనోకోనజోల్ 25% EC 100ml లేదా క్రెసోక్సిమ్-మిథైల్ 44.3% SC 200mlలలో ఏదో ఒకటి కలిపి పిచికారీ చేయాలి. తెగులు సోకిన మొక్కల భాగాలను సేకరించి నాశనం చేయాలి.
News November 26, 2025
రాజమండ్రి: మాక్ అసెంబ్లీ విజేతలకు కలెక్టర్ అభినందన
విద్యాశాఖ నిర్వహించిన మాక్ అసెంబ్లీ పోటీల్లో విజేతలుగా నిలిచిన విద్యార్థులకు బుధవారం కలెక్టర్ కీర్తి చేకూరి జ్ఞాపిక, ప్రశంసా పత్రాలు అందజేశారు. ఈ సందర్భంగా ఆమె విద్యార్థుల ప్రతిభను అభినందిస్తూ, వారు మరింత ఉన్నత శిఖరాలు అధిరోహించాలని ఆశాభావం వ్యక్తం చేశారు. రాష్ట్ర స్థాయి మాక్ అసెంబ్లీలో 8 మంది విద్యార్థులు, జిల్లా స్థాయిలో 13 మంది విద్యార్థులు పాల్గొన్నారని ఆమె తెలిపారు.