News April 2, 2025
సూళ్లూరుపేటలో విషాదం
తిరుపతి జిల్లా సూళ్లూరుపేట పట్టణంలో విషాద ఘటన జరిగింది. స్థానిక KRP షార్ కాలనీలో సెప్టిక్ ట్యాంక్ క్లీన్ చేయడానికి ఎద్దుల నాగరాజు(41) లోపలకు దిగాడు. ఈక్రమంలో అతను మృతిచెందాడు. దావాదిగుంటకు చెందిన నాగరాజు గత 15 ఏళ్లుగా షార్ పరిధిలో కాంట్రాక్టర్ వర్కర్‌గా పనిచేస్తున్నాడు.
Similar News
News November 29, 2025
మేడారం జాతరకు జాతీయ హోదా ఇవ్వలేం: కిషన్ రెడ్డి
TG: మేడారం జాతరకు జాతీయ హోదా సాధ్యం కాదని కేంద్ర మంత్రి కిషన్ రెడ్డి స్పష్టం చేశారు. దేశంలో ఏ ఉత్సవానికీ జాతీయ హోదా లేదని తెలిపారు. వరంగల్ పర్యటన సందర్భంగా ఆయన మీడియాతో మాట్లాడారు. ఎప్పటిలాగే కేంద్ర ప్రభుత్వం నుంచి సమ్మక్క-సారక్క జాతరకు నిధులు మంజూరు చేస్తామని, జాతరలో పాల్గొంటామని తెలిపారు. మేడారం జాతరను జాతీయ పండుగగా గుర్తించాలని సీఎం రేవంత్ గతంలో కేంద్రాన్ని కోరిన సంగతి తెలిసిందే.
News November 29, 2025
నల్గొండ: ఈ ఎన్నికలు మంత్రులు, ఎమ్మెల్యేలకు పరీక్షే!
ఉమ్మడి నల్గొండ జిల్లాలో గ్రామ పంచాయతీ ఎన్నికలు మంత్రులు, ఎమ్మెల్యేలకు పరీక్ష పెడుతున్నాయి. ప్రజాప్రతినిధులుగా గెలిచిన తర్వాత జరుగుతున్న ఎన్నికలు కావడంతో ప్రతిష్ఠాత్మకంగా మారాయి. పంచాయతీ ఎన్నికల తర్వాత ఎంపీటీసీ, జడ్పీటీసీ, మున్సిపల్, ఎన్నికలు జరగనున్నాయి. గ్రామాల్లో తమ ఓటు బ్యాంకు పదిలంగా ఉందా..? లేదా..? ప్రభుత్వంపై పల్లెల్లో ప్రజా అనుకూలత తెలియజేసేందుకు ఈ ఎన్నికలు రెఫరెండంగా మారాయి.
News November 29, 2025
నల్గొండ: ఆ గ్రామంలో పదవులు పంచుకుంటున్నారు..!
మొదటి విడత ఎన్నికల్లో భాగంగా నకిరేకల్ మండలం కడపర్తిలో ఒకటో వార్డులో రగడ నెలకొంది. పార్టీ కోసం కష్టపడ్డ వారికి వార్డు మెంబర్ స్థానం దక్కనివ్వకుండా సర్పంచ్ అభ్యర్థి ఒంటెద్దు పోకడకు పోతున్నాడని గ్రామస్థులు అంటున్నారు. సీపీఎంతో కుమ్మక్కై మొదటి వార్డులో సీపీఎం అభ్యర్థికి, కాంగ్రెస్ సర్పంచ్ అభ్యర్థి సపోర్ట్ చేయడం సరి కాదంటున్నారు. గెలవక ముందే కాంగ్రెస్, సీపీఎం కలిసి పదవులు పంచుకుంటున్నాయన్నారు.