News July 19, 2024

సైబర్ వలలో లద్దగిరి సర్పంచ్

కోడుమూరు మండలం లద్దగిరి గ్రామ పంచాయతీ సర్పంచ్ హనుమంతు బ్యాంకు ఖాతా నుంచి సైబర్ నేరగాళ్లు డబ్బు మాయం చేశారు. బాధిత సర్పంచ్ మాట్లాడుతూ.. యూనియన్ బ్యాంకులోని తన వ్యక్తిగత ఖాతా నుంచి బుధవారం రాత్రి పదేపదే మెసేజ్‌లు వచ్చాయని తెలిపారు. తర్వాత బ్యాలెన్స్ చెక్ చేసుకోగా రూ.1.95 లక్షల నగదు మాయం అయినట్లు తెలిసిందని ఆవేదన వ్యక్తం చేశారు. ఈ సైబర్ మోసంపై పోలీసు స్టేషన్లో ఫిర్యాదు చేసినట్లు తెలిపారు.