News August 1, 2024

సోమశిల జలాశయానికి చేరిన కృష్ణా జలాలు

సోమశిల జలాశయానికి కృష్ణా జలాల తాకిడి గురువారం సాయంత్రం మొదలైంది. 2714 క్యూసెక్కుల నీరు వచ్చి చేరుతున్నట్లు జలాశయ జేఈ రామ్మోహన్ రావు తెలిపారు. జలాశయం పూర్తి సామర్ధ్యం 78 టీఎంసీలు కాగా గురువారం సాయంత్రం 6 గంటలకు 9.59 టీఎంసీల నీరు నిల్వ ఉన్నట్లు ఆయన పేర్కొన్నారు. పెన్నా డెల్టాకు 200 క్యూసెక్కుల నీటిని విడుదల చేస్తున్నారు. కృష్ణా జలాల రాకతో జిల్లా రైతాంగం ఆనందం వ్యక్తం చేస్తున్నారు.