News March 20, 2025
హన్మపూర్ హత్య కేసులో ఇద్దరికి రిమాండ్
పెద్దేముల్ మండల పరిధిలోని హన్మాపూర్లో వెంకటేశ్ హత్యకు గురైన విషయం తెలిసిందే. ఇందుకు సంబంధించి ఎస్ఐ శ్రీధర్ రెడ్డి వివరాలు వెల్లడించారు. ఆయన వివరాల ప్రకారం.. వెంకటేష్ నిత్యం తాగి వచ్చి తల్లి లక్ష్మమ్మ, భార్య సబితను వేధించేవాడు. వేధింపులకు తాళలేక ఈనెల 19న తల్లి, భార్య ఇద్దరు కలిసి ఐరన్ రాడ్తో అతడి చెవి భాగాన కొట్టి చంపారు. నేరం ఒప్పుకోవడంతో వారిని రిమాండ్కు పంపినట్లు ఎస్ఐ శ్రీధర్ రెడ్డి తెలిపారు.
Similar News
News December 5, 2025
భగవంతుడిపై నమ్మకం ఎందుకు ఉంచాలి?
ఈశ్వరో విక్రమీ ధన్వీ మేధావీ విక్రమః క్రమః|
అనుత్తమో దురాదర్షః కృతజ్ఞః కృతిరాత్మవాన్||
దేవుడు మనలోనే అంతరాత్మగా ఉంటాడు. ధనుస్సు ధరించి పరాక్రమంతో ధైర్యాన్నిస్తాడు. ప్రజ్ఞావంతుడు, ఉన్నత క్రమశిక్షణ గల ఆయన అన్ని విషయాలకు అతీతంగా ఉంటాడు. ఎవరూ భయపెట్టలేని విశ్వాసపాత్రుడు మన కార్యాలను నెరవేరుస్తూ, సకల ఆత్మలకు మూలమై ఉంటాడు. మనం ఆ పరమాత్మను గుర్తించి, విశ్వాసం ఉంచి ధైర్యంగా జీవించాలి. <<-se>>#VISHNUSAHASRANAMAM<<>>
News December 5, 2025
KNR: భారీ ఆదాయం.. అయినా సొంత భవనాల్లేవ్..!
అద్దె భవనాలు, అరకొర వసతులతో రవాణా శాఖ అవస్థలు పడుతోంది. ఉమ్మడి కరీంనగర్ నుంచి ఏడాదికి రూ.400 కోట్ల ఆదాయం ప్రభుత్వ ఖజానాకు చేరుతోంది. అయినా KNR DTO ఆఫీస్ మినహా SRCL, PDPL, JGTL, కోరుట్ల, రామగుండం, HZB కార్యాలయాలు అద్దె భవనాల్లోనే నడుస్తున్నాయి. దీంతో ట్రాకులు లేక గుంతల రోడ్లపైనే డ్రైవింగ్ టెస్టులు చేయాల్సిన పరిస్థితి దాపురించింది. ఇప్పటికైనా ప్రభుత్వం సొంత భవనాలు నిర్మించి సరైన వసతులు కల్పించాలి.
News December 5, 2025
ఆదిలాబాద్: ‘కాంప్రమైజ్’ రాజకీయాలు
ఉమ్మడి జిల్లాలో ‘కాంప్రమైజ్’ రాజకీయాలు ఊపందుకున్నాయి. ఒకే కులం నుంచి ఇద్దరు లేదా ముగ్గురు అభ్యర్థులు నామినేషన్లు వేసిన పక్షంలో ఒక్కరినే బరిలో ఉంచేందుకు కుల సంఘాల పెద్దలు, వీడీసీ సభ్యులు ప్రయత్నాలు చేస్తున్నారు. కుటుంబ సభ్యులు, సమీప బంధువులను ఒకచోట చేర్చి మంతనాలు జరుపుతున్నారు. ప్రస్తుతం పోటీ నుంచి తప్పుకుంటే ఎంపీటీసీ, జడ్పీటీసీ ఎన్నికల్లో పోటీ చేసేందుకు సహకరిస్తామని భరోసా ఇస్తున్నారు.