News April 2, 2025

హైకోర్టు ఎగ్జిక్యూటివ్ మెంబర్‌గా ప్రమాణం చేసిన లావణ్య

image

లక్ష్మణచాంద మండలం చామన్‌పెల్లి గ్రామానికి చెందిన హైకోర్టు అడ్వకేట్ NT లావణ్య తెలంగాణ హైకోర్ట్ అసోసియేషన్ మహిళా ఎగ్జిక్యూటివ్ మెంబర్‌గా మంగళవారం ప్రమాణ స్వీకారం చేశారు. ఇటీవల జరిగిన అసోసియేషన్ ఎన్నికల్లో అత్యధికంగా 1874 ఓట్లు సాధించి సమీప అభ్యర్థిపై 550 ఓట్ల మెజార్టీ సాధించారు. ఆమెను తోటి న్యాయవాదులు సన్మానించి అభినందనలు తెలిపారు.

Similar News

News April 5, 2025

వికారాబాద్: 19 ప్రభుత్వ పాఠశాలల్లో AI తరగతులు

image

వికారాబాద్ జిల్లాలో ఆర్టిఫిషియల్ ఇంటెలిజెన్స్‌ను పలు ప్రభుత్వ పాఠశాలల్లో అమలు చేస్తున్నారు. విద్యార్థుల్లో అభ్యసన సామర్థ్యాలను పెంపొందించడానికి జిల్లాలోని 19 ప్రభుత్వ పాఠశాలల్లో AI తరగతులను అందుబాటులోకి తెచ్చారు. విద్యార్థులు చదవడం, రాయడం సులభంగా నేర్చుకునేందుకు AI తరగతులు ఎంతగానో ఉపయోగపడతాయని ఉపాధ్యాయులు పేర్కొంటున్నారు. ఉపాధ్యాయులకు ప్రత్యేక శిక్షణ ఇచ్చేందుకు అధికారులు సిద్ధమయ్యారు.

News April 5, 2025

అమలాపురం: మాజీ ఎంపీ హర్ష కుమార్‌పై కేసు నమోదు

image

అమలాపురం మాజీ ఎంపీ జీవీ హర్ష కుమార్‌పై రాజానగరం పోలీస్ స్టేషన్లో శుక్రవారం కేసు నమోదైంది. ఎస్సై నాగార్జున మాట్లాడుతూ పాస్టర్ పగడాల ప్రవీణ్ కుమార్ మృతిపై హర్షకుమార్ ప్రజల్ని రెచ్చగొట్టే వ్యాఖ్యలు చేస్తూ శాంతిభద్రతలకు విఘాతం కలిగించారన్నారు. ఆరోపణలకు తగిన ఆధారాలు చూపించాలని కోరగా నేటికీ స్పందించలేదన్నారు. దీంతో ఆయనపై 196, 197 సెక్షన్ల కింద కేసు నమోదు చేస్తామన్నారు.

News April 5, 2025

గ్రూప్ -2 కు ఎంపికైన చౌడేపల్లి కానిస్టేబుల్

image

గ్రూప్-2 పరీక్షలలో చౌడేపల్లి పోలీస్ స్టేషన్లో విధులు నిర్వహిస్తున్న కానిస్టేబుల్ ఆదినారాయణ ఎంపికయ్యారు. విధి నిర్వహణలో చురుగ్గా పాల్గొంటూ.. అటు గ్రూప్‌-2లో ప్రతిభ చూపాడు. ఆయనను సీఐ రాంభూపాల్, ఎస్సై నాగేశ్వరరావుతో పాటు సహచర సిబ్బంది అభినందించారు. 

error: Content is protected !!