News March 29, 2025
హైదరాబాద్ రోడ్డు అభివృద్ధిపై సీఎం రేవంత్ సమీక్ష
హైదరాబాద్ రోడ్డు డెవలప్‌మెంట్ కార్పొరేషన్‌ పై సీఎం రేవంత్ రెడ్డి నేడు సమీక్ష నిర్వహించారు. 49 రోడ్ల నిర్మాణం, విస్తరణ పై పలు సూచనలు చేశారు. ప్రజల అవసరాలకు అనుగుణంగా లింక్ రోడ్లు నిర్మించాలని ఆదేశించారు. భవిష్యత్ అవసరాలను దృష్టిలో పెట్టుకుని రోడ్ల అభివృద్ధి చేయాలని అధికారులకు సూచించారు. అదనపు భూసేకరణకు అధిక వ్యయం అయినా వెనుకాడకూడదని సీఎం స్పష్టం చేశారు.
Similar News
News November 30, 2025
పోచారంతండా: సర్పంచి అభ్యర్థి.. బాండ్ పేపర్
పెద్ద కొడప్గల్ మండలంలో ఎన్నికల ప్రచారం జోరందుకుంది. వివిధ పార్టీల నుంచే కాకుండా స్వతంత్ర అభ్యర్థులు నామినేషన్ వేయడానికి సిద్ధమవుతున్నారు. మండలంలోని పోచారం తండాకు చెందిన పవార్ సుమిత్ర వినూత్న ప్రచారం చేస్తున్నారు. పేదల కోసం సర్పంచిగా పని చేస్తానని, ప్రస్తుతం తన ఆస్తులకు మించి అక్రమ ఆస్తులు సంపాదించనని బాండ్ పేపర్‌పై రాసి ప్రచారం చేస్తున్నారు. ఆమె డిగ్రీ పూర్తి చేశారు.
News November 30, 2025
తిరుపతి: రైలులో బిడ్డకు జన్మనిచ్చిన మహిళ
రైలులో శనివారం సాయంత్రం ఓ మహిళ మగ బిడ్డకు జన్మనిచ్చిన ఘటన సూళ్లూరుపేటలో జరిగింది. RPF పోలీసుల కథనం మేరకు.. బెంగుళూరు నుంచి దానాపూర్ వెళ్లే రైలు సూళ్లూరుపేట వద్దకు రాగానే అందులో ప్రయాణిస్తున్న మహిళకు పురిటి నొప్పులు వచ్చాయి. దీంతో రైలును అత్యవసరంగా నిలిపివేశారు. 108 వాహనం వచ్చేలోపే ఆమె మగ బిడ్డను ప్రసవించింది. RPF పోలీసులు తల్లి, బిడ్డను ప్రభుత్వ ఆసుపత్రికి తరలించి చికిత్స అందిస్తున్నారు.
News November 30, 2025
MHBD: ముగిసిన తొలి దశ నామినేషన్ స్వీకరణ
జిల్లా వ్యాప్తంగా తొలి దశ నామినేషన్ స్వీకరణ శనివారంతో ముగిసింది. తొలి దశ ఎన్నికలకు సంబంధించి ఆయా గ్రామ పంచాయతీ పరిధిలో 155 సర్పంచ్ స్థానాలకు 1239, వార్డ్ మెంబర్ స్థానాలకు 3,496 అభ్యర్థులు నామినేషన్లు దాఖలు చేసినట్లు అధికారులు ప్రకటించారు. కాగా, ఆదివారం నుంచి రెండో దశ పంచాయతీ ఎన్నికల నామినేషన్లు షెడ్యూల్ పరిధిలోని నిర్ణీత పంచాయతీలో అధికారులు స్వీకరిస్తారు.