News March 13, 2025
హోలీ పండుగ.. తిరుపతి ఎస్పీ సూచనలు
తిరుపతి జిల్లా ప్రజలకు ఎస్పీ వి హర్షవర్ధన్ రాజు హోలీ పండుగ సందర్భంగా శుభాకాంక్షలు తెలిపారు. ఆయన మాట్లాడుతూ..ఆనందంతో హద్దులు మీరి ప్రవర్తించవద్దని తెలిపారు. ఐక్యతతో మతసామరస్యానికి ప్రతీకగా హోలీ పండుగ జరుపుకుందామని పిలుపునిచ్చారు. పండుగ పేరుతో ఇతరులకు ఇబ్బంది కలిగించి, ఇబ్బందులకు గురికావద్దని సూచించారు. మహిళలపై రంగులు చల్లి అసభ్యంగా ప్రవర్తించడం వద్దన్నారు.
Similar News
News November 29, 2025
నల్గొండ: గెలుపే లక్ష్యంగా వ్యూహాలు..!
జిల్లాలో 869 గ్రామ పంచాయతీ ఎన్నికల్లో గెలుపే లక్ష్యంగా పార్టీలు సమాయత్తం అవుతున్నాయి. సర్పంచ్, వార్డు సభ్యులుగా పోటీ చేసే ఆశావహులు, కార్యకర్తలతో కాంగ్రెస్, బీఆర్ఎస్, బీజేపీ నేతలు విస్తృతంగా సమావేశాలు నిర్వహిస్తున్నారు. ప్రజల్లో మంచి పేరుతో పాటు ఆర్థిక బలం ఉన్న వారిని పోటీలో నిలపాలని వ్యూహ రచన చేస్తున్నారు. గెలుపే లక్ష్యంగా ముందుకు సాగాలని శ్రేణులకు దిశా నిర్దేశం చేస్తున్నారు.
News November 29, 2025
మరుగుదొడ్ల నిర్మాణ పనులు పూర్తి చేయండి: VZM కలెక్టర్
జిల్లాలోని వివిధ సంక్షేమ వసతిగృహాలు, అంగన్‌వాడీ కేంద్రాల్లో మరుగుదొడ్ల నిర్మాణ పనులను డిసెంబర్ నెలాఖరు నాటికి పూర్తిచేయాలని కలెక్టర్ ఎస్.రాంసుందర్ రెడ్డి అధికారులను ఆదేశించారు. శనివారం తన ఛాంబర్‌లో ఆయన ఈ పనుల పురోగతిని సమీక్షించారు. పట్టణ ప్రాంతాలకు సంబంధించిన 21 మరుగుదొడ్ల నిర్మాణం పబ్లిక్ హెల్త్ విభాగం ద్వారా వేగవంతంగా చేపట్టాలని ఆయన సూచించారు.
News November 29, 2025
ప్రజలు ఇళ్లల్లోనే ఉండాలి: మంత్రి అనిత
AP: భారీ వర్షాల సమయంలో ప్రజలు ఇళ్లల్లోనే ఉండాలని మంత్రి అనిత సూచించారు. సాయం కోసం టోల్ ఫ్రీ నంబర్లను 112, 1070, 18004250101 సంప్రదించాలన్నారు. దిత్వా తుఫాన్‌పై అధికారులతో సమీక్షించారు. రేపు, ఎల్లుండి ప్రకాశం, NLR, SSS, కడప, అన్నమయ్య, చిత్తూరు, TPT జిల్లాల్లో భారీ వర్ష సూచన ఉన్న నేపథ్యంలో ఎప్పటికప్పుడు ప్రభావిత జిల్లాలను అలర్ట్ చేయాలని ఆదేశించారు. సహాయక చర్యలకు SDRF, NDRF బృందాలు పంపించాలన్నారు.