News June 29, 2024
జియో, ఎయిర్టెల్ యూజర్లపై ₹47వేలకోట్ల భారం!
టారిఫ్ పెంపుతో జియో, ఎయిర్టెల్ యూజర్లపై ఏటా ₹47,500కోట్ల భారం పడనుందని ట్రేడ్ నిపుణులు చెబుతున్నారు. ముఖ్యంగా 5జీ సేవలు కావాలనుకునే వారిపై ఈ భారం మరింత ఎక్కువ ఉండనుందని తెలిపారు. జియోలో ₹239 (1.5GB/డే)గా ఉన్న 5జీ మినిమమ్ రీఛార్జ్ అమౌంట్‌ను 46% పెంచి ₹349 (2GB/డే)కు చేర్చింది. ఎయిర్టెల్ ఏకంగా 71% పెంచింది. ₹239 (1.5GB/డే) ప్యాక్‌ను ₹409 (2.5GB/డే)కు పెంచింది.
Similar News
News September 21, 2024
ట్రంప్‌పై హత్యాయత్నం: తప్పంతా సీక్రెట్ సర్వీస్‌దే!
పెన్సిల్వేనియాలో డొనాల్డ్ ట్రంప్‌పై హత్యాయత్నం జరిగినప్పుడు భద్రతా వైఫల్యానికి US సీక్రెట్ సర్వీస్‌దే బాధ్యతని కొత్త రిపోర్టు వచ్చింది. టెక్నాలజీని వాడటంలో ఏజెంట్లు నిర్లక్ష్యం ప్రదర్శించినట్టు తెలిపింది. లేదంటే ర్యాలీకి కొన్ని గంటల ముందే డ్రోన్ ఎగరేసిన అటాకర్‌ను గుర్తించేవాళ్లని పేర్కొంది. వైఫల్యానికి తోడు సీక్రెట్ సర్వీస్ అడ్వాన్స్ టీమ్‌, స్థానిక పోలీసుల మధ్య సమన్వయమే లేదని ఎత్తిచూపింది.
News September 21, 2024
పొట్టి డ్రెస్సులో అమృత ప్రణయ్.. భిన్నాభిప్రాయాలు
మిర్యాలగూడ పరువు హత్య బాధితురాలు అమృత ప్రణయ్ మీద ఇన్‌స్టాగ్రామ్‌లో ట్రోలింగ్ జరుగుతోంది. ఇటీవల ఆమె ప్రమోషన్స్, ఫ్యాషన్ వ్లాగ్స్ చేస్తున్నారు. ఈ నేపథ్యంలోనే మోకాళ్లపైకి ఉన్న పొట్టి డ్రెస్సు ఫొటో వైరలవుతోంది. ‘భర్త చనిపోయిన అమ్మాయికి ఇలాంటి డ్రెస్స్‌లు అవసరమా?’ అని కామెంట్స్ వస్తున్నాయి. ఇంకొందరేమో ‘ఆమెకూ వ్యక్తిగత జీవితం ఉంటుంది. దాన్ని మనం గౌరవించాలి’ అని వాదిస్తున్నారు. దీనిపై మీ కామెంట్ ఏంటి?
News September 21, 2024
మణిపుర్: పోలీసులకు దొరికిన రాకెట్ హెడ్స్, షెల్స్, మోర్టార్లు
మణిపుర్‌లో పోలీసుల సోదాల్లో అధునాతన ఆయుధాలు, పేలుడు సామగ్రి దొరకడం కలకలం రేపుతోంది. చురాచాంద్‌పుర్ జిల్లాలోని సములామ్లన్‌లో పోలీసులు శుక్రవారం సెర్చ్ ఆపరేషన్ చేపట్టారు. ఇంప్రూవైజ్డ్ రాకెట్ షెల్, వేర్వేరు సైజుల్లో 3 లైవ్ రాకెట్ హెడ్ అమ్యూనిషన్, 3 ఇంప్రూవైజ్డ్ మోర్టార్లు, యాంటీ రియోట్ స్టన్ షెల్స్, స్టన్ గ్రెనేడ్ స్వాధీనం చేసుకున్నారు. మయన్మార్ నుంచి 900 <<14154680>>కుకీ మిలిటెంట్ల<<>> చొరబాటు గురించి తెలిసిందే.