News February 17, 2026
అనంత: ఫోన్ రీఛార్జ్కు డబ్బులు ఇవ్వలేదని సూసైడ్
ఆత్మహత్యాయత్నానికి పాల్పడిన డి.హిరేహాల్ మండలం కళ్యం గ్రామానికి చెందిన నవీన్ అనే యువకుడు ఆసుపత్రిలో చికిత్స పొందుతూ మృతి చెందాడు. 2 రోజుల క్రితం నవీన్ తన మొబైల్ రీఛార్జ్ కోసం తండ్రిని డబ్బులు అడగగా ఇవ్వలేదు. దీంతో మనస్తాపానికి గురై పురుగు మందు తాగాడు. బళ్లారి విమ్స్కు తీసుకెళ్లగా చికిత్స పొందుతూ సోమవారం మృతి చెందాడు. పోలీసులు కేసు నమోదు చేసి దర్యాప్తు చేస్తున్నారు.
Similar News
News February 20, 2026
ఇంటర్ పరీక్షలకు పకడ్బందీ ఏర్పాట్లు చేయాలి: డీఐఈఓ
ఇంటర్మీడియట్ వార్షిక పరీక్షలను బోర్డు నిబంధనల ప్రకారం పకడ్బందీగా నిర్వహించాలని వరంగల్ డీఐఈఓ శ్రీధర్ సుమన్ అధికారులను ఆదేశించారు. హన్మకొండ ప్రభుత్వ జూనియర్ కళాశాలలో శుక్రవారం చీఫ్ సూపరింటెండెంట్లు, డిపార్ట్మెంటల్ అధికారులతో సన్నాహక సమావేశం నిర్వహించారు. ఈ నెల 25 నుంచి ప్రారంభం కానున్న ఈ పరీక్షల్లో ఎలాంటి అవకతవకలకు తావులేకుండా పకడ్బందీ ఏర్పాట్లు చేయాలని ఆయన సూచించారు.
News February 20, 2026
రాష్ట్రంలో వర్షాలు
AP: బంగాళాఖాతంలో ఉపరితల ద్రోణి ప్రభావంతో రాష్ట్రంలోని పలు ప్రాంతాల్లో వర్షాలు పడతాయని RTGS అంచనా వేసింది. సెంట్రల్ ఆంధ్ర, ఉత్తర కోస్తా, ఉమ్మడి గోదావరి, కృష్ణా జిల్లాల్లో వానలు కురిసే ఛాన్స్ ఉందని చెప్పింది. ఫిబ్రవరి 23వ తేదీ నుంచి 25వ తేదీ వరకు ఉరుములు, మెరుపులతో కూడిన వర్షాలు పడే సూచనలు ఉన్నట్లు పేర్కొంది.
News February 20, 2026
పెద్దపల్లి: విద్యార్థులను అభినందించిన కలెక్టర్
హైదరాబాద్ లో నిర్వహించిన రాష్ట్ర స్థాయి సి.డబ్ల్యూ.ఎస్.ఎన్ క్రీడల్లో ప్రతిభ కనబరిచిన జిల్లా విద్యార్థులను పెద్దపల్లి కలెక్టర్ కోయ శ్రీహర్ష కలెక్టరేట్లో అభినందించారు. జిల్లాకు చెందిన 20 మంది విద్యార్థులు పాల్గొనగా బడుగు సందీప్ జిగ్జాగ్ వాకింగ్లో, ఎడునూరి పౌర్ణమి చెస్లో, కటకం శ్రీరామ్ చరణ్ పరుగుపందెం, మ్యూజికల్ చైర్ తదితర విభాగాల్లో విజేతలయ్యారు. డీఈవో శారద, ఐఈ కోఆర్డినేటర్ కవిత పాల్గొన్నారు.