News February 2, 2025
అనకాపల్లి జిల్లాలో 94.79 శాతం పెన్షన్ పంపిణీ పూర్తి
అనకాపల్లి జిల్లాలో శనివారం రాత్రి 7.10 గంటల వరకు 94.79 శాతం పెన్షన్లు పంపిణీ చేసినట్లు డీఆర్డీఏ అధికారులు తెలిపారు. పెన్షన్ పంపిణీలో సబ్బవరం మండలం మొదటి స్థానంలో నిలిచిందన్నారు. మండలంలో 97.94 శాతం మందికి పెన్షన్ అందజేశామన్నారు. రెండో స్థానంలో చోడవరం, 3వ స్థానంలో కసింకోట, 4వ స్థానంలో నర్సీపట్నం ఉన్నాయన్నారు. మిగిలిపోయిన వారికి ఈనెల 3వ తేదీన పెన్షన్ పంపిణీ చేస్తామన్నారు.
Similar News
News February 17, 2026
KMR: మున్సి‘పల్స్’ అతివలదే
కామారెడ్డి జిల్లాలో మున్సిపాలిటీల్లో ఛైర్పర్సన్, వైస్ ఛైర్పర్సన్లుగా పీఠాలెక్కిన వారంతా అతివలే. వైస్ ఛైర్మన్లుగా పురుషులకు అవకాశం ఉన్నప్పటికీ అధికారపక్షం మహిళా వికాసం వైపే మొగ్గుచూపింది. దీంతో జిల్లాలో ఎల్లారెడ్డి మున్సిపాలిటీలో ఛైర్మన్ మినహాయించి అన్ని చోట్ల మహిళలే పుర పీఠాలేక్కారు. జిల్లాలో మహిళాభుద్యాయం మరింత బలపడనుంది. రాజకీయాల్లో తాము సైతం రాణిస్తామని, అభివృద్ధికి పాటుపడతామంటున్నారు.
News February 17, 2026
KMR: ఇంటర్ పరీక్షలకు 37 కేంద్రాలు.. 17,953 మంది విద్యార్థులు
కామారెడ్డి జిల్లాలో ఈ నెల 25 నుంచి ప్రారంభం కానున్న ఇంటర్మీడియట్ వార్షిక పరీక్షలను పారదర్శకంగా నిర్వహించేందుకు అన్ని ఏర్పాట్లు పూర్తి చేయాలని కలెక్టర్ ఆశిష్ సాంగ్వాన్ అధికారులను ఆదేశించారు. సోమవారం కలెక్టరేట్లో నిర్వహించిన సమీక్షలో ఆయన మాట్లాడారు. జిల్లా వ్యాప్తంగా ఏర్పాటు చేసిన 37 పరీక్షా కేంద్రాల్లో ప్రథమ, ద్వితీయ సంవత్సరం కలిపి 17,953 విద్యార్థులు పరీక్ష రాయనున్నట్లు పేర్కొన్నారు.
News February 17, 2026
T20 WC: ఆస్ట్రేలియాకు ఏమైంది?
‘కప్పు ముఖ్యం బిగిలు’ అంటూ ICC టోర్నీల్లో అదరగొట్టే ఆస్ట్రేలియా ఈసారి T20 WCలో గ్రూప్ స్టేజ్ దాటే పరిస్థితి కనిపించట్లేదు. దీనికి ప్రధాన కారణం వారి బౌలింగే. హేజిల్వుడ్, కమిన్స్, స్టార్క్ లేకపోవడంతో బౌలింగ్ విభాగం బలహీనంగా మారింది. ప్రధాన స్పిన్నర్ జంపా ZIM, SLతో మ్యాచుల్లో ఒక్క వికెట్ కూడా తీయకపోవడం గమనార్హం. గాయాల బెడద, బ్యాటింగ్లో నిలకడలేమి, చివరి ఓవర్లలో తడబాటు ఆ జట్టుకు ఇబ్బందిగా మారాయి.