News January 3, 2026
అన్నమయ్య జిల్లాలో 92 ఉద్యోగాలకు నోటిఫికేషన్
అన్నమయ్య జిల్లాలో 92 ఉద్యోగాలకు ప్రభుత్వం నోటిఫికేషన్ ఇచ్చింది. టైప్-3 కస్తూర్బాగాందీ విద్యాలయాల్లో(KGVB) 56, టైప్-4 కేజీబీవీల్లో 36 నాన్ టీచింగ్ పోస్టింగ్లను ఔట్ సోర్సింగ్ పద్ధతిలో భర్తీ చేయనున్నారు. ఇవాళ్టి నుంచి జనవరి 11వ తేదీ వరకు దరఖాస్తులు స్వీకరిస్తారు. అప్లికేషన్లు జిల్లా కేంద్రంలోని సమగ్ర శిక్ష కార్యాలయంలో అందజేయాల్సి ఉంటుంది. మహిళా అభ్యర్థులు మాత్రమే అర్హులు.
Similar News
News February 5, 2026
వరంగల్ కమిషనరేట్ పరిధిలో 93 డ్రంకెన్ డ్రైవ్ కేసులు
వరంగల్ కమిషనరేట్ పరిధిలో మద్యం బాబులపై పోలీసులు కొరడా ఝళిపించారు. బుధవారం రాత్రి నిర్వహించిన ముమ్మర తనిఖీల్లో మద్యం తాగి వాహనాలు నడుపుతూ 93 మంది పట్టుబడ్డారు. వీరిలో అత్యధికంగా ట్రాఫిక్ స్టేషన్ పరిధిలోనే 48 కేసులు నమోదయ్యాయి. సెంట్రల్ జోన్లో 25, వెస్ట్ జోన్ 7, ఈస్ట్ జోన్లో 13 కేసులు నమోదైనట్లు అధికారులు వెల్లడించారు. మద్యం తాగి వాహనాలు నడపడం వల్ల ప్రాణాపాయం పొంచి ఉంటుందని పోలీసులు హెచ్చరించారు.
News February 5, 2026
తినేటప్పుడు ఇలా చేస్తున్నారా?
ఆహారపు అలవాట్లు ఇంటి వాతావరణాన్ని ప్రభావితం చేస్తాయి. అందుకే తినేటప్పుడు కొన్ని నియమాలు పాటించాలి. దంపతులు ఒకే ప్లేట్లో భోజనం చేయకూడదు. దీనివల్ల కుటుంబంలోని ఇతర సభ్యుల పట్ల వివక్ష, అసూయ పెరిగే ఛాన్సుందని పండితులు చెబుతున్నారు. మంచం మీద కూర్చుని తింటే లక్ష్మీదేవి అనుగ్రహం తగ్గుతుందట. ఫలితంగా ఆర్థిక ఇబ్బందులు ఎదురవుతాయని నమ్మకం. నేలపై కూర్చుని తింటే సుఖసంతోషాలు చేకూరుతాయని శాస్త్రాలు చెబుతున్నాయి.
News February 5, 2026
నష్టాలతో ప్రారంభమైన స్టాక్ మార్కెట్లు
దేశీయ స్టాక్ మార్కెట్లు నష్టాలతో మొదలయ్యాయి. ప్రారంభంలో సెన్సెక్స్ సుమారు 250 పాయింట్లు తగ్గి 83,571కు చేరగా, నిఫ్టీ 87 పాయింట్లు క్షీణించి 25,689 వద్ద ట్రేడ్ అయ్యింది. గ్లోబల్ మార్కెట్లు బలహీనంగా ఉండటంతో పాటు టెక్ షేర్ల నష్టాలు మార్కెట్పై ప్రభావం చూపాయి. రియల్టీ, ఫార్మా షేర్లు నష్టాల్లో ఉండగా, ఎఫ్ఎంసీజీ, పీఎస్యూ బ్యాంక్ షేర్లు స్వల్ప లాభాలతో కొనసాగుతున్నాయి.