News December 20, 2025
అన్రిజర్వ్డ్ టికెట్ బుక్ చేశారా? ప్రింటవుట్ అవసరం లేదు!
మొబైల్ ద్వారా బుక్ చేసిన అన్రిజర్వ్డ్ డిజిటల్ టికెట్లకు ప్రింటవుట్ అక్కర్లేదని ఇండియన్ రైల్వేస్ వెల్లడించింది. ఏ మొబైల్ నుంచి అయితే బుక్ చేశారో చెకింగ్ టైంలో అదే ఫోన్లో చూపిస్తే సరిపోతుంది. ప్రింటవుట్ తప్పనిసరి అంటూ వస్తున్న వార్తల్లో నిజం లేదని క్లారిటీ ఇచ్చింది. అయితే ఆఫ్లైన్లో లేదా ఆన్లైన్లో ఫిజికల్ టికెట్ తీసుకుంటే మాత్రం ప్రయాణమంతా దాన్ని వెంట ఉంచుకోవాల్సిందే.
Similar News
News December 28, 2025
కాంగ్రెస్ ఆవిర్భావ దినోత్సవం.. రేవంత్ విషెస్
TG: కాంగ్రెస్ పార్టీ నాయకులు, కార్యకర్తలకు సీఎం రేవంత్ రెడ్డి పార్టీ ఆవిర్భావ దినోత్సవ శుభాకాంక్షలు చెప్పారు. ‘భారతదేశ స్వాతంత్ర్య సంగ్రామ మహారథి. జాతి నిర్మాణ సారథి. ప్రజాస్వామ్య ఆకాంక్షల వారధి. పేదల ఆకలి తీర్చిన పెన్నిధి. 140 కోట్ల భారతీయుల ప్రతినిధి. 141 ఏళ్ల సుదీర్ఘ ప్రయాణం. కార్యకర్తల చెమట చుక్కలే సిరా చుక్కలై రాసిన చరిత్ర కాంగ్రెస్’ అని ట్వీట్ చేశారు.
News December 28, 2025
మిరపలో ఆకుముడత నివారణకు చర్యలు
మిరప నారును పొలంలో నాటిన 15 రోజుల తర్వాత ప్రతి 2 వారాలకు ఒకసారి లీటరు నీటికి థయామిథాక్సామ్ 0.3గ్రా, ఎసిటామిప్రిడ్ 0.2 గ్రా., పిప్రోనిల్ గ్రాన్యూల్స్ 0.2 గ్రా, పెగాసస్ 1.5mlలలో ఏదో ఒక మందును కలిపి పిచికారీ చేయాలి. వీటితో పాటు 10,000 ppm వేప మందును లీటరు నీటికి 2ml కలిపి స్ప్రే చేయాలి. ముడత వలన బలహీనపడ్డ మొక్కలకు లీటరు నీటికి 2 గ్రాముల ఫార్ములా- 4 మరియు 19:19:19ను నెల రోజులకు ఒకసారి స్ప్రే చేయాలి.
News December 28, 2025
పిల్లల్లో డయాబెటీస్ ముప్పు తగ్గించాలంటే
డయాబెటిస్ సమస్య ఒకప్పుడు వృద్ధుల్లో కనిపించేది. ఇప్పుడు ఇది పిల్లలను కూడా ప్రభావితం చేస్తోంది. పిల్లల్లో ఈ సమస్య రాకుండా ఉండాలంటే కొన్నిజాగ్రత్తలు తీసుకోవాలి. కుటుంబంలో ఎవరికైనా డయాబెటిస్ ఉంటే, పిల్లలకు ఎప్పటికప్పుడు వైద్య పరీక్షలు చేయించాలి. ఇంట్లో వండిన హెల్తీ ఫుడ్ పెట్టడం, ప్రతిరోజూ వ్యాయామం, స్వీట్లు, డ్రింక్స్ తగ్గించడం, ఫోన్, టీవీ స్క్రీన్ సమయాన్ని పరిమితం చేయడం వంటి జాగ్రత్తలు తీసుకోవాలి.