News December 29, 2025
అమెరికాలో రోడ్డు ప్రమాదం.. ఇద్దరు తెలంగాణ యువతుల మృతి
అమెరికాలో జరిగిన రోడ్డు ప్రమాదంలో తెలంగాణలోని మహబూబాబాద్ జిల్లాకు చెందిన ఇద్దరు విద్యార్థినులు మరణించారు. కాలిఫోర్నియాలో కారులో యాత్రకు వెళ్తుండగా ప్రమాదం జరిగింది. ఈ యాక్సిడెంట్లో గార్ల మీసేవ కేంద్రం నిర్వాహకుడు నాగేశ్వరరావు కూతురు మేఘన (25), ముల్కనూరు ఉప సర్పంచ్ కోటేశ్వరరావు కూతురు భావన (24) ప్రాణాలు వదిలారు. వీరు MS పూర్తి చేశారు. పూర్తి వివరాలు తెలియాల్సి ఉంది.
Similar News
News December 31, 2025
నిమెసులైడ్ తయారీ, సేల్స్పైనా కేంద్రం ఆంక్షలు
పెయిన్కిల్లర్ నిమెసులైడ్ తయారీ, సేల్స్పై కేంద్రం ఆంక్షలు విధించింది. 100mg కంటే ఎక్కువ పవర్ ఉండే ఈ మెడిసిన్ తయారీని వెంటనే ఆపేయాలని ఆదేశాలిచ్చింది. డ్రగ్స్ టెక్నికల్ అడ్వైజరీ బోర్డుతో చర్చల తర్వాత హెల్త్ మినిస్ట్రీ నోటిఫికేషన్ ఇచ్చింది. ‘100mg కంటే ఎక్కువ డోస్ ఉండే నిమెసులైడ్ లివర్కు ప్రమాదం. దీనికి ప్రత్యామ్నాయ మందులు అందుబాటులో ఉన్నాయి. దీనిపై తక్షణమే నిషేధం విధిస్తున్నాం’ అని పేర్కొంది.
News December 31, 2025
చీని, నిమ్మ తోటల్లో ఎగిరే పేను బెడద
చీని, నిమ్మ తోటల్లో కొన్నేళ్లుగా ఎగిరేపేను ఉద్ధృతి కనిపిస్తోంది. ఈ పురుగులు లేత ఆకులు, పూతను ఆశించి రసం పీల్చడం వల్ల ఆకులు వాడిపోయి, వంకర్లు తిరగడంతో పాటు పూత కూడా రాలిపోతోంది. దీని వల్ల మొక్కల పెరుగుదల ఆగిపోయి కొమ్మలు పై నుంచి కిందకు ఎండిపోతాయి. రసం పీల్చడం వల్ల ఆకులు, కాయలపై జిగురు వంటి పదార్థం విడుదలై నల్లని బూజు ఏర్పడుతుంది. ఎగిరే పేను వల్ల చీని, నిమ్మ తోటల్లో శంకు తెగులు కూడా వ్యాపిస్తుంది.
News December 31, 2025
IISER తిరుపతిలో ఉద్యోగాలకు దరఖాస్తుల ఆహ్వానం
తిరుపతిలోని ఇండియన్ ఇన్స్టిట్యూట్ ఆఫ్ సైన్స్ ఎడ్యుకేషన్ అండ్ రీసెర్చ్ (IISER)లో 22 నాన్ టీచింగ్ పోస్టుల భర్తీకి దరఖాస్తు ప్రక్రియ కొనసాగుతోంది. అర్హతగల వారు FEB 2 వరకు అప్లై చేసుకోవచ్చు. పోస్టును బట్టి BE, B.Tech, డిప్లొమా, MBBS, MD, PG, MSc, MCA, BS-MS, M.LSc, BSc ఉత్తీర్ణతతో పాటు పని అనుభవం ఉండాలి. స్క్రీనింగ్/స్కిల్/రాత పరీక్ష ద్వారా ఎంపిక చేస్తారు. వెబ్సైట్: www.iisertirupati.ac.in