News October 10, 2025
అలంపూర్: జీతాలు రాక ఇబ్బందుల్లో 1962 సిబ్బంది
సంచార పశు వాహనాల ద్వారా సేవలందిస్తున్న 1962 సిబ్బందికి మూడు నెలల నుంచి జీతాలు రాక సమస్యల వలయంలో చిక్కుకున్నారు. దీంతో తమ కుటుంబ పోషణ భారమైందని, పూట గడవడం కష్టమైందని వాపోతున్నారు. ఒక వాహనానికి 4 మంది సిబ్బంది ఉన్నారు. రాష్ట్ర ప్రభుత్వం స్పందించి తమ బాధలు అర్థం చేసుకొని వెంటనే జీతాలు విడుదల చేయాలని సిబ్బంది డిమాండ్ చేశారు.
Similar News
News October 10, 2025
3,500 పోస్టులు.. దరఖాస్తుకు ఎల్లుండే లాస్ట్ డేట్
కెనరా బ్యాంకులో 3,500 గ్రాడ్యుయేట్ అప్రెంటిస్ పోస్టులకు దరఖాస్తు చేయడానికి OCT 12 చివరితేదీ. APలో 242, TGలో 132 పోస్టులు ఉన్నాయి. డిగ్రీ పాసైన 20-28ఏళ్ల వయస్కులు అర్హులు. ఎంపికైన అప్రెంటిస్‌లకు నెలకు రూ.15వేలు చెల్లిస్తారు. అభ్యర్థులు ముందుగా NATS పోర్టల్‌లో ఎన్‌రోల్ చేసుకోవాలి. వెబ్‌సైట్: www.canarabank.bank.in
* ప్రతి రోజూ ఉద్యోగ నోటిఫికేషన్ల కోసం <<-se_10012>>జాబ్స్ కేటగిరీ<<>>కి వెళ్లండి.
News October 10, 2025
కడప: ఇతనో బడా స్మగ్లర్‌.. 128 కేసులు
కడప జిల్లా దువ్వూరు మండలం పుల్లారెడ్డి పేటకు చెందిన దస్తగిరి రెడ్డిపై పోలీసులు పీడీ యాక్ట్ కేసు నమోదు చేశారు. ఎర్రచందనం అక్రమ రవాణాకు పాల్పడుతున్న అతడిని అంతర్ రాష్ట్ర స్మగ్లర్‌గా గుర్తించారు. 8 ఏళ్లలో అతనిపై 128 కేసులు నమోదైయ్యాయి. ఇందులో 90 ఎర్రచందనం కేసులు, 38 దొంగతనం కేసులు ఉన్నాయి. గతంలో మూడుసార్లు పీడీ యాక్ట్ కింద జైలుకు వెళ్లి వచ్చాడని ఎర్రచందనం ప్రత్యేక దళ సీఐ శంకర్ రెడ్డి తెలిపారు.
News October 10, 2025
రావికమతం: ‘జిల్లాలో అన్ని ఆరోగ్య కేంద్రాలకు వైద్యాధికారుల నియామకం’
జిల్లాలో అన్ని ప్రభుత్వ ఆరోగ్య కేంద్రాలకు సమ్మెలో లేని కాంట్రాక్టు వైద్యులను సర్దుబాటు చేశామని DM&HO హైమావతి శుక్రవారం తెలిపారు. పిచ్చికుక్క కరిచిన విద్యార్థుల ఆరోగ్యంపై సమీక్షించేందుకు శుక్రవారం రావికమతం వచ్చారు. వైద్యాధికారులు సమ్మెలో ఉన్నందున ప్రతి ఆరోగ్య కేంద్రానికి ఒక వైద్యుడు విధులు నిర్వహించే విధంగా చర్యలు తీసుకున్నామన్నారు. జిల్లాలో 46 PHCలు, 9 CHCలలో వైద్య సేవలకు అంతరాయం లేదని చెప్పారు.