News July 27, 2024

అల్లకల్లోలంగా సముద్రం.. చేపల వేట నిషేధం

బంగాళాఖాతంలో ఏర్పడిన అల్పపీడనం వాయుగుండంగా మారిన నేపథ్యంలో తీర ప్రాంతంలో సముద్రం అల్లకల్లోలంగా మారింది. కాకినాడ జిల్లా తొండంగి మండలంలోని పెరుమల్లాపురం, కొత్త చోడిపల్లిపేటలో అలలు ఎగిసిపడుతున్నాయి. దీంతో వారం రోజుల పాటు మత్స్యకారులు బోటుపై చేపల వేటను నిలిపివేశారు. వేట ఆగిపోవడంతో గంగపుత్రులు ఉపాధి లేక ఇబ్బంది పడుతున్నారు. అనుకూల వాతావరణం వచ్చేవరకు చేపల వేటకు వెళ్లొద్దని అధికారులు హెచ్చరిస్తున్నారు.