News August 16, 2025

అవసరమున్న మేరకే యూరియా తీసుకోండి: కలెక్టర్

పెద్దపల్లి జిల్లాలో యూరియా నిల్వలు బాగా ఉన్నాయని, రైతులు ఆందోళన చెందవద్దని కలెక్టర్ కోయ శ్రీహర్ష శుక్రవారం తెలిపారు. కలెక్టరేట్‌లో వ్యవసాయ అధికారులతో యూరియా పంపిణీపై సమీక్షలో నిల్వ చేసుకోకుండా ప్రస్తుత అవసరానుసారమే కొనుగోలు చేయాలని రైతులకు సూచించారు. యూరియా అందని రైతుల వివరాలు అధికారులు సేకరించి వారికి అందించాలన్నారు. అక్రమ విక్రయాలకు పాల్పడే డీలర్లపై కఠిన చర్యలు తీసుకుంటామని హెచ్చరించారు.