News October 30, 2025
ఆదిలాబాద్: అధిక వర్షాలు.. పత్తి రైతులకు సూచనలు
మూడు రోజులుగా ఆదిలాబాద్ జిల్లాలో కురుస్తున్న వర్షాల దృష్ట్యా వ్యవసాయ అధికారులు పత్తి రైతులకు పలు సూచనలు చేశారు. వర్షం పడుతున్నప్పుడు, తగ్గిన వెంటనే తడి పత్తిని తీయరాదని, కేవలం పొడి పత్తిని మాత్రమే తీయాలని కోరారు. తీసిన పత్తిని తడి నేల మీద కాకుండా, పాలిథిన్ షీట్ మీద లేదా పొడి ప్రదేశంలో ఎండబెట్టాలి. తడి పత్తి నిల్వ చేస్తే బూజు పట్టి నష్టపోయే ప్రమాదం ఉందని, ఎండిన పత్తిని మాత్రమే గదిలో నిల్వ చేయాలి.
Similar News
News November 1, 2025
కొత్తగూడెం: ఈవీఎం గోడౌన్ తనిఖీ చేసిన కలెక్టర్
ఈవీఎం గోడౌన్‌ను కలెక్టర్ జితేష్ వి పాటిల్ శనివారం తనిఖీ చేశారు. ప్రధాన ఎన్నికల అధికారి ఆదేశాల మేరకు ఈవీఎం భద్రతకు సంబంధించి ప్రతినెల తనిఖీ చేయడం జరుగుతుందని చెప్పారు. ఈ పరిశీలనలో భాగంగా సీసీ కెమెరా గదిలో కెమెరాల పనితీరును పరిశీలించారు. గోడౌన్ పరిసర ప్రాంతంలో పరిశుభ్రంగా ఉంచాలని, అనుమతి లేనిదే ఎవరిని లోపలికి రానివ్వకూడదని అధికారులకు సూచించారు. అనంతరం తనిఖీ రిజిస్టర్లో సంతకం చేశారు.
News November 1, 2025
బీఆర్ఎస్ పార్టీలో నాకు అవమానం జరిగింది: కవిత
బీఆర్ఎస్ పార్టీలో నాకు అవమానం జరిగింది.. అందుకే బయటకు వచ్చానని కరీంనగర్‌లో మీడియా ప్రతినిధులతో చిట్ చాట్‌లో ఎమ్మెల్సీ కవిత పేర్కొన్నారు. ఫోన్ ట్యాపింగ్ వ్యవహారం తనను కలిచి వేసిందని, ఉద్యమకారులు, నాయకులు బీఆర్ఎస్ పార్టీలో ఇబ్బంది పడుతున్నారన్నారు. పార్టీపై పూర్తిస్థాయిలో నిర్ణయాలు తీసుకొని మరిన్ని విషయాలు త్వరలో వెల్లడిస్తానని తెలిపారు.
News November 1, 2025
ప‌ర్యాట‌క ప్రాంతాలను ఆకర్షణీయంగా తీర్చిదిద్దాలి: కలెక్టర్
నగరంలోని పార్కులను, ప‌ర్యాట‌క ప్రాంతాలను మ‌రింత ఆకర్షణీయంగా తీర్చిదిద్దాల‌ని సంబంధిత అధికారుల‌ను కలెక్టర్ ఎం.ఎన్. హ‌రేంధిర ప్ర‌సాద్ ఆదేశించారు. నగరంలోని పలు పార్కులను ఆయన సందర్శించారు. ఈనెల 14, 15వ తేదీల్లో జ‌రిగే ప్ర‌పంచ స్థాయి భాగ‌స్వామ సదస్సుకు దేశ విదేశాల నుంచి ప్రముఖులు నగరానికి వస్తారని తెలిపారు. అందుకు తగ్గట్టు చర్యలు చేపట్టాలని సూచించారు.