News January 30, 2026
ఆదివారమూ స్టాక్ మార్కెట్.. చరిత్రలో రెండోసారి
సాధారణంగా స్టాక్ మార్కెట్లకు సండే సెలవు. కానీ వచ్చే ఆదివారం(FEB 1) NSE, BSE ఓపెన్లో ఉండనున్నాయి. ఆ రోజున కేంద్రం బడ్జెట్ ప్రవేశపెట్టనుండటమే దీనికి కారణం. ప్రభుత్వ పాలసీలు, ప్రకటనలపై ఇన్వెస్టర్లు స్పందించేందుకు వీలుగా ట్రేడింగ్ కొనసాగుతుంది. ఈక్విటీ మార్కెట్స్ ఆదివారమూ ఓపెన్లో ఉండటం చరిత్రలో ఇది రెండోసారి. తొలిసారి FEB 28(సండే), 1999న యశ్వంత్ బడ్జెట్ ప్రజెంట్ చేసినప్పుడూ మార్కెట్లు పనిచేశాయి.
Similar News
News February 12, 2026
US హౌస్లో ట్రంప్కు షాక్.. కెనడాకు మద్దతుగా ఓటింగ్
US హౌస్ సభ్యులు ట్రంప్కు షాకిచ్చారు. <<18949938>>కెనడా<<>>పై విధించిన టారిఫ్స్ను తిరస్కరిస్తూ ఓటు వేశారు. డెమొక్రాట్లు తీసుకొచ్చిన తీర్మానం 219-211 తేడాతో నెగ్గింది. ఆరుగురు రిపబ్లికన్లు(ట్రంప్ పార్టీ) కూడా అనుకూలంగా ఓటేయడం గమనార్హం. అయితే దీనికి సెనేట్, ట్రంప్ ఆమోదం తప్పనిసరి. కానీ ట్రంప్ వీటో చేసే అవకాశం ఉంది. సుంకాలను వ్యతిరేకించే రిపబ్లికన్లపై ఎన్నికల సమయంలో చర్యలు తీసుకుంటామని ట్రంప్ హెచ్చరించారు.
News February 12, 2026
శివ నామాలు అర్థాలు ‘‘గంగాధర’’
భగీరథుడు తన పితృదేవతల మోక్షం కోసం గంగను భూమికి తీసుకురావాలని తపస్సు చేశాడు. గంగ ఆకాశం నుంచి నేరుగా భూమి మీద పడితే ఆ వేగానికి భూలోకం తట్టుకోలేదని శివుడు గ్రహించాడు. గంగమ్మను తన జటాజూటంలో బంధించాడు. తన జుట్టు నుంచి ఓ పాయను బయటకి తీసి, దాని ద్వారా గంగను భూమిపైకి నెమ్మదిగా వదిలాడు. అల్లకల్లోలమైన గంగను శాంతింపజేసి తన తలపై ధరించిన వాడు కాబట్టే ఆయన ‘గంగాధరుడు’ అయ్యాడు. ఇది ఆయన లోకహితైషితకు నిదర్శనం.
News February 12, 2026
జీడిమామిడిలో ఆకు, పూత, కాయమచ్చ తెగులు నివారణ
ఈ తెగులు వల్ల ఆకులపై లేత ఆకుపచ్చ రంగులో మచ్చలు ఏర్పడి అవి పెరుగుతూ మచ్చ మధ్య ఎండిపోయి చివరికి మొత్తం ఆకు ఎండి రాలిపోతుంది. పూత, పూత కాడలపై మచ్చలు వచ్చి పూత ఎండిపోయి రాలిపోతుంది. ఈ మచ్చ తెగులు నివారణకు రైతులు తొలుత తెగులు ఆశించిన కొమ్మలను పూర్తిగా తొలగించాలి. లీటరు నీటికి మాంకోజెబ్ 1 గ్రాము లేదా కాపర్ ఆక్సీక్లోరైడ్ 3గ్రాములు లేదా క్లోరోథలోనిల్ 1ml కలిపి పిచికారీ చేసుకోవాలి.