News February 3, 2026
ఆయిల్ కొనడం ఆపేస్తున్నట్లు ఇండియా మాకు చెప్పలేదు: రష్యా
రష్యా నుంచి చమురు కొనుగోళ్లను భారత్ నిలిపేస్తుందని ట్రంప్ చేసిన ప్రకటనపై మాస్కో స్పందించింది. దీనిపై తమకు IND నుంచి ఎలాంటి సమాచారం రాలేదని క్రెమ్లిన్ ప్రతినిధి పెస్కోవ్ తెలిపారు. US-ఇండియా సంబంధాలను తాము గౌరవిస్తామన్నారు. అయితే రష్యా-భారత్ మధ్య ఉన్న వ్యూహాత్మక భాగస్వామ్యం తమకు అంతకంటే ముఖ్యమని పేర్కొన్నారు. టారిఫ్స్ తగ్గింపునకు బదులుగా ఇండియా తమ నుంచి ఆయిల్ కొంటుందని ట్రంప్ ప్రకటించడం తెలిసిందే.
Similar News
News February 19, 2026
తల్లి పాదాలు కడిగి నీళ్లు తాగిన సీనియర్ హీరో
బాలీవుడ్ సీనియర్ యాక్టర్ గోవిందా మంచితనం గురించి గతంలో చాలామంది చాలా ఉదహరించారు. తాజాగా ఆయన మేనల్లుడు వినయ్ ఆనంద్ సైతం.. 90s స్టార్ విలువలకు నిదర్శనమని ప్రశంసించారు. ‘మా అమ్మమ్మ నిర్మల ప్రతి బర్త్డేకి మామయ్య ఆమె కాళ్లు కడిగి నమస్కరించి ఆ నీళ్లు తాగేవాడు’ అని తెలిపారు. ఆయన రీల్ లైఫ్, రియల్ లైఫ్ను చాలామంది కాపీ కొట్టారని, అది గోవిందా గొప్పతనమని వెల్లడించారు.
News February 19, 2026
తాబేళ్లను మొక్కుబడిగా సమర్పించే దేవాలయం!
అస్సాంలోని హజోలో మణికూట పర్వతంపై విష్ణుమూర్తి హయగ్రీవ రూపంలో పూజలందుకుంటారు. ఇక్కడి కోనేరులో భక్తులు తాబేళ్లను మొక్కుబడిగా సమర్పిస్తారు. తాబేళ్లను కూర్మావతారంగా పూజిస్తారు. బౌద్ధులు ఈ ప్రదేశాన్ని బుద్ధుడు మోక్షం పొందిన ‘మహాముని’ క్షేత్రంగా కొలుస్తారు. క్రీ.శ.1583లో నిర్మితమైన ఆలయ శిల్పకళా సౌందర్యం పర్యాటకులను ఆకట్టుకుంటుంది. మధు, కైటభ రాక్షసులను విష్ణుమూర్తి ఇక్కడే సంహరించారని పురాణాల వాక్కు.
News February 19, 2026
స్కిన్ కేర్ రొటీన్ ఎలా ఉండాలంటే?
20ల్లోకి అడుగుపెట్టగానే స్కిన్ కేర్ రొటీన్ అలవాటు చేసుకోవాలని నిపుణులు సూచిస్తున్నారు. మైల్డ్ క్లెన్సర్ ఫేస్ వాష్, టోనర్, సీరమ్, మాయిశ్చరైజర్, సన్స్క్రీన్ వాడాలి. వారానికోసారి స్క్రబ్, పీల్స్ అప్లై చేయాలి. హైలురోనిక్ యాసిడ్, రెటినాల్ వాడితే ముడతలు, మచ్చలు, గీతలు దూరం అవుతాయి. వీటితో పాటు కూరగాయలు, పండ్లు, మంచి కొవ్వులు, విటమిన్లు, మినరల్స్, కార్బోహైడ్రేట్లున్న ఆహారాన్ని తీసుకోవాలి.