News December 25, 2025
ఆ దేశంలో 4 నెలలు క్రిస్మస్ వేడుకలు
ప్రపంచవ్యాప్తంగా చాలా దేశాల్లో వారం నుంచి 10 రోజులు క్రిస్మస్ వేడుకలు చేసుకుంటారు. ఫిలిప్పీన్స్ దేశంలో మాత్రం సుమారు 4 నెలలు విందు వినోదాలతో సెలబ్రేషన్స్ నిర్వహిస్తారు. సెప్టెంబర్ 1న మొదలయ్యే క్రిస్మస్ సెలబ్రేషన్స్ జనవరి మొదటి వారం (త్రీ కింగ్స్ డే) వరకు కొనసాగుతాయి. డిసెంబర్ 16-24 వరకు ‘సింబాంగ్ గబీ’ పేరుతో ప్రత్యేక ప్రార్థనలు చేసి, 24వ తేదీ అర్థరాత్రి ‘నోచే బ్యూనా’ విందుతో ఎంజాయ్ చేస్తారు.
Similar News
News December 27, 2025
లవ్లీ హోం హ్యాక్స్
* తలుపులు, గోడలమీద అంటించిన స్టిక్కర్ల మరకలు త్వరగా వదలాలంటే ముందుగా యూకలిప్టస్ ఆయిల్ రాసి తరువాత శుభ్రపరిస్తే సరిపోతుంది.
* గది తాజా పరిమళాలు వెదజల్లాలంటే వెనిగర్ని స్ప్రే చేయాలి.
* కత్తెర మొద్దుబారినప్పుడు అల్యూమినియం ఫాయిల్ చిన్న చిన్న ముక్కలుగా కత్తిరిస్తే పదునెక్కుతుంది.
* వంటగది మూలల్లో బోరిక్ పౌడర్ వేసి ఉంచితే, బొద్దింకలు ఆ దరిదాపులకి రావు.
News December 27, 2025
ఫిబ్రవరిలో మున్సిపల్ ఎన్నికలు?
TG: ఫిబ్రవరి రెండో వారం నాటికి మున్సిపల్ ఎన్నికలు పూర్తి చేయాలని ప్రభుత్వం భావిస్తోంది. ప్రస్తుతం రాష్ట్రంలో GHMCతో కలిపి 8 కార్పొరేషన్లు, 125 మున్సిపాలిటీలు ఉన్నాయి. వీటిలో చాలా వాటికి ఈ ఏడాది జనవరిలోనే గడువు ముగిసింది. GHMCతో పాటు ఖమ్మం, వరంగల్ కార్పొరేషన్ల గడువు 2026 ఫిబ్రవరితో ముగియనుంది. అటు జనవరి రెండో వారం నాటికి తుది ఓటర్ల జాబితాను సిద్ధం చేసేందుకు ఎన్నికల సంఘం కార్యాచరణ రూపొందించింది.
News December 27, 2025
సాగుభూమి సంరక్షణ వ్యవసాయంలో కీలకం
సాగు భూములకు రసాయనాల వాడకం తగ్గించడం, సేంద్రియ ఎరువుల వాడకం పెంచడం, పంట మార్పిడి, మిశ్రమ పంటల సాగు, సంప్రదాయ, దేశవాళీ పంట రకాల పెంపకం, నేలకోత నివారణ చర్యలు, నేలను కప్పి ఉంచడం వంటి చర్యలతో నేల ఆరోగ్యాన్ని కాపాడుకోవచ్చు. సేంద్రియ ఎరువులు, పచ్చిరొట్ట ఎరువులు, పంటల అవశేషాలు, జీవన ఎరువులు, పశువుల వ్యర్థాలు, వర్మీకంపోస్టు వంటి సేంద్రియ ఎరువుల వాడకం వల్ల నేల ఆరోగ్యం మెరుగుపడుతుంది.