News September 6, 2024
ఇక నుంచి రాజాంలో అందుబాటులో తిరుమల లడ్డూ
తిరుపతి లడ్డూ ప్రసాదం మారుమూల గ్రామాలకు కూడా అందించాలనే దృక్పథంతో, లడ్డూను రాజాంలోని టీటీడీ దేవస్థానం ఆధ్వర్యంలో ఉన్న అంతకాపల్లి బాలాజీ టెంపుల్‌లో విక్రయించేందుకు టీటీడీ ఈవో శ్యామలరావు ఆదేశాలు జారీ చేశారు. ఈ మేరకు వైజాగ్ రుషికొండ ఏఈవో జగన్మోహనాచార్యులు నెలలో రెండు పర్యాయాలు విక్రయించేందుకు.. రేపు వినాయక చవితి సందర్భంగా ఉదయం 10గం. తిరుపతిలో విక్రయించే ధరకే కౌంటర్ ప్రారంభిస్తామని తెలిపారు.
Similar News
News November 25, 2024
SKLM: డిగ్రీ పరీక్ష ఫీజు చెల్లించేందుకు నేడే లాస్ట్
డాక్టర్ బి.ఆర్ అంబేడ్కర్ యూనివర్సిటీ డిగ్రీ 1వ సెమిస్టర్ పరీక్షలకు సంబంధించి పరీక్ష ఫీజు చెల్లించేందుకు గడువు సోమవారంతో ముగుస్తుంది. అభ్యర్థులకు ఈనెల 15వ తేదీ నుంచి పరీక్ష ఫీజు చెల్లించేందుకు అవకాశం ఇవ్వగా ఆ గడువు 25వ తేదీతో ముగుస్తుంది. రూ.500 అపరాధ రుసుముతో 27 వరకు, రూ.1500 అపరాధ రుసుముతో ఈనెల 28 వరకు అభ్యర్థులు పరీక్ష ఫీజు చెల్లించవచ్చు. డిసెంబర్ 12వ తేదీ నుంచి పరీక్షలు ప్రారంభంకానున్నాయి.
News November 25, 2024
సీతంపేట: విషాదం మిగిల్చిన వనభోజనం
సీతంపేట మండలం అడలి వ్యూ పాయింట్ వద్ద ఆదివారం వన భోజనానికి వెళ్లిన ఒక కుటుంబం తిరిగి వస్తుండగా ప్రమాదం చోటుచేసుకుంది. వారు వెళ్తున్న బైక్ అదుపు తప్పి లోయలో పడింది. బైక్ మీద ఉన్న దుప్పాడ భారతి(33) (విద్య కమిటీ ఛైర్మన్) మృతి చెందారు. భర్త దుర్గారావు, చిన్నారులు మేఘన, పల్లవికి తీవ్ర గాయాలయ్యాయి. వారిని పాలకొండ ప్రభుత్వాసుపత్రికి తరలించారు.
News November 25, 2024
SKLM: అయ్యప్పస్వామి భక్తులకు ప్రత్యేక రైలు
అయ్యప్ప భక్తుల సౌకర్యార్థం శ్రీకాకుళం నుంచి నేరుగా శబరిమల (కొల్లం) వరకు ప్రత్యేక రైలును డిసెంబరు 1 నుంచి జనవరి 19 తేదీ వరకు ప్రతి ఆదివారం నడుస్తుందని, రైలు ప్రారంభించడంపై సంతోషంగా ఉందని మంత్రి రామ్మోహన్ నాయుడు అన్నారు. ఈ రైలు మంజూరు చేసినందుకు రైల్వే అధికారులకు ధన్యవాదాలు తెలిపారు. భక్తులందరికీ సురక్షితంగా, శుభప్రదమైన యాత్ర జరగాలని కోరుకుంటున్నానని చెప్పారు.