News November 13, 2024
ఇది ట్రైలర్ మాత్రమే.. 70mm సినిమా ముందుంది: హరీశ్ రావు
కోరుట్ల ఎమ్మెల్యే కల్వకుంట్ల సంజయ్ చేసిన పాదయాత్ర ట్రైలర్ మాత్రమేనని, 70mm సినిమా ముందుంది.. రేవంత్ రెడ్డి జాగ్రత్త అంటూ మాజీ మంత్రి హరీశ్ రావు అన్నారు. జగిత్యాలలో నిర్వహించిన బహిరంగ సభలో ఆయన మాట్లాడారు. జగిత్యాల అంటేనే ఉద్యమాల ఖిల్లా అని, జగిత్యాల జైత్రయాత్ర అందరికీ తెలిసిందేనని, జగిత్యాలలో సంజయ్ సమర శంఖం పూరించాడన్నారు. రేవంత్ గాలి మోటార్‌లో కాదు.. కల్లాలలో తిరుగు అని మండిపడ్డారు.
Similar News
News November 23, 2024
ధర్మపురి ఆలయ ఆదాయ వివరాలు
జగిత్యాల జిల్లాలో ధర్మపురిలోని ప్రముఖ పుణ్యక్షేత్రం శ్రీ లక్ష్మీనరసింహస్వామి దేవస్థానానికి శుక్రవారం 2,18,709 రూపాయల ఆదాయం సమకూరినట్లు ఆలయ అధికారులు తెలిపారు. ఇందులో టికెట్ల ద్వారా 1,11,733 రూపాయలు, ప్రసాదాల ద్వారా 84,090 రూపాయలు, అన్నదానం కోసం 22,886 రూపాయల ఆదాయం వచ్చినట్లు దేవస్థానం కార్యనిర్వహణ అధికారి సంకటాల శ్రీనివాస్ ఒక ప్రకటనలో తెలిపారు.
News November 23, 2024
ఉమ్మడి కరీంనగర్ జిల్లాలో నేటి టాప్ న్యూస్
@ మేడిపల్లి మండలంలో గుర్తుతెలియని వ్యక్తి మృతదేహం లభ్యం. @ రాష్ట్రస్థాయి కబడ్డీ పోటీలకు చిగురుమామిడి విద్యార్థిని. @ మెట్పల్లి, మల్లాపూర్ మండలాలలో వరి కొనుగోలు కేంద్రాలను తనిఖీ చేసిన జగిత్యాల అడిషనల్ కలెక్టర్. @ ప్రభుత్వ ఆసుపత్రులలో ప్రసవాలను పెంచాలన్న జగిత్యాల కలెక్టర్. @ వేములవాడ రాజన్న ఆలయంలో భక్తుల రద్దీ. @ తంగళ్ళపల్లి మండలంలో గురుకుల పాఠశాలను తనిఖీ చేసిన సిరిసిల్ల కలెక్టర్.
News November 22, 2024
మహిళలు ‘శుక్రవారం’ను సద్వినియోగం.. చేసుకోవాలి: కలెక్టర్ పమేలా
మహిళలు శుక్రవారం సభను సద్వినియోగం చేసుకోవాలని జిల్లా కలెక్టర్ పమేలా సత్పతి మహిళలకు సూచించారు. శుక్రవారంవీణవంక మండలం ఎలబాక గ్రామంలో అంగన్వాడీ కేంద్రంలో నిర్వహించిన శుక్రవారం సభకు హాజరయ్యారు. ఈ సందర్భంగా ఆమె మాట్లాడుతూ.. అంగన్వాడీ కేంద్రాల్లో పిల్లలతో పాటు, మహిళలకు అన్ని రకాల ఆహార, వైద్య సదుపాయాలు కల్పిస్తున్నామని, సమస్యలు ఉంటే ఈ సభ ద్వారా పరిష్కరించుకోవాలని తెలిపారు.