News March 25, 2025

ఈ నెలాఖరుతో ఖరీఫ్ ధాన్యం సేకరణ పూర్తి: జేసీ

గతేడాది ఖరీఫ్‌కు సంబంధించి చేపట్టిన ధాన్యం సేకరణ ఈ నెలాఖరుతో ముగుస్తుందని జాయింట్ కలెక్టర్ ఎం.జాహ్నవి ఒక ప్రకటనలో తెలిపారు. జిల్లాలో ఇప్పటి వరకు 7,893 మంది రైతుల నుంచి 25,372.88 టన్నుల ధాన్యం కొనుగోలు చేశామన్నారు. ప్రభుత్వం ప్రకటించిన మద్దతు ధర ప్రకారం ఆయా రైతులకు రూ.58.147 కోట్లు చెల్లించినట్టు చెప్పారు. ఖరీఫ్‌లో పండిన ధాన్యం సేకరణను ఈనెల 31వ తేదీతో ముగించాలని ప్రభుత్వం ఆదేశించిందన్నారు.