News January 30, 2026
ఉగాదికి జాబ్ క్యాలెండర్!
AP: ఈ ఉగాదికి జాబ్ క్యాలెండర్ ఇవ్వడానికి రాష్ట్ర ప్రభుత్వం కసరత్తు చేస్తున్నట్లు తెలుస్తోంది. శాఖల వారీగా ఖాళీలను సేకరిస్తున్నట్లు సమాచారం. పకడ్బందీగా జాబ్ క్యాలెండర్ నిర్వహణకు ప్రణాళికలు రూపొందిస్తున్నట్లు కూటమి వర్గాలు చెబుతున్నాయి. ఆర్థిక శాఖపై పడే భారం బేరీజు వేసుకొని ఏటా జాబ్ క్యాలెండర్ ఇచ్చే ఆలోచనలో ప్రభుత్వం ఉన్నట్లు పేర్కొంటున్నాయి. వీలైనంత త్వరగా ఉద్యోగాల భర్తీ చేపట్టనున్నట్లు తెలిపాయి.
Similar News
News February 20, 2026
ఇంటి చిట్కాలు
* కొవ్వొత్తులను వెలిగించే ముందు వాటి పైభాగాన కాస్త ఉప్పు రాస్తే ఎక్కువ సమయం వెలుగుతాయి.
* చెత్తబుట్టలో బ్యాక్టీరియా చేరి దుర్వాసన రాకుండా ఉండాలంటే.. బుట్ట అడుగు భాగంలో కొంచెం బొరాక్స్ పొడి చల్లాలి.
* కాస్త వెనిగర్లో కొద్దిగా ఆలివ్ ఆయిల్ కలిపి డైనింగ్ టేబుల్ తుడిస్తే ఎలాంటి మరకలైనా పోతాయి.
* ట్యాపులపై ఉండే మచ్చలు పోయి కొత్తవాటిలా మెరవాలంటే వారానికోసారి నిమ్మకాయ ముక్కతో రుద్దాలి.
News February 20, 2026
యంగ్ హీరోతో అనుపమ డేటింగ్?
అనుపమ పరమేశ్వరన్, ధ్రువ్ విక్రమ్ డేటింగ్లో ఉన్నారని ప్రచారం జరుగుతోంది. తాజాగా ఓ అవార్డుల ఫంక్షన్లో వీరిద్దరూ సెల్ఫీ తీసుకోగా దాన్ని ధ్రువ్ ఇన్స్టాలో షేర్ చేశారు. అనుపమ ఆ పోస్ట్ను రీషేర్ చేస్తూ లవ్ సింబల్ జోడించారు. అంతకుముందు ఓ వేడుకలోనూ రాత్రి 2 గంటలకు ఫోన్ చేయాల్సి వస్తే ఇండస్ట్రీలో ఎవరికి చేస్తారని అడగగా ధ్రువ్కి చేస్తా అని అనుపమ చెప్పారు. వీరిద్దరూ గతేడాది ‘బైసన్’ సినిమాలో నటించారు.
News February 20, 2026
వయసు కంటే వ్యక్తి.. కులం కంటే క్యారెక్టర్: మారిన పెళ్లి ట్రెండ్!
ఇండియన్ మ్యారేజ్ సిస్టమ్లో పదేళ్లలో ఎన్నో మార్పులు వచ్చాయి. ‘జీవన్ సాథీ’ ప్రకారం.. 2016-2025 మధ్య పెళ్లి ప్రయత్నాలు మొదలుపెట్టే సగటు వయసు 27 నుంచి 29 ఏళ్లకు చేరింది. నేటి యువత ‘సరైన వయసు’ కంటే ‘సరైన వ్యక్తి’నే ప్రిఫర్ చేస్తున్నారు. గతంలో 91% మంది కులానికి ప్రాధాన్యం ఇస్తే.. ఇప్పుడు అది 54%కి పడిపోయింది. ‘డ్యూయల్ ఇన్కమ్’ సంస్కృతి పెరిగింది. ఆర్థిక భద్రత కంటే ఎమోషనల్ బాండింగ్కే ఓటేస్తున్నారు.