News August 20, 2024
ఉమ్మడి కృష్ణా జిల్లాలో విషజ్వరాల కలవరం
ఉమ్మడి కృష్ణా జిల్లాలో విషజ్వరాలు ప్రబలుతున్నాయి. మలేరియా, టైఫాయిడ్, అతిసార కేసుల వివరాలను కృష్ణా, ఎన్టీఆర్ జిల్లాల DMHOలు ఎం.సుహాసినీ, జి.గీతాబాయి వివరించారు. జూన్, జులై నెలల్లో మలేరియా, డెంగీ- 300,టైఫాయిడ్-800+, అతిసారం కేసులు 208 నమోదయ్యాయన్నారు. విషజ్వరాలు నిర్ధారించిన ప్రాంతాల్లో 50 మీటర్ల పరిధిలో అందరికీ రక్త పరీక్షలు నిర్వహిస్తున్నట్లు తెలిపారు.
Similar News
News November 25, 2024
ఫీజులపై కృష్ణా యూనివర్సిటీ నుంచి కీలక ప్రకటన
ఫీజు బకాయిలపై విద్యార్థులను వేధిస్తే చర్యలు తప్పవని కృష్ణా జిల్లా కలెక్టర్ DK బాలాజీ హెచ్చరించిన నేపథ్యంలో.. కృష్ణా యూనివర్సిటీ(KRU) రిజిస్ట్రార్ సోమవారం కీలక ప్రకటన విడుదల చేశారు. KRU పరిధిలోని కళాశాలల ప్రిన్సిపాళ్లు ఈ నిబంధనలు ఖచ్చితంగా అమలు చేయాలని యూనివర్సిటీ రిజిస్ట్రార్ ఆదేశించారు. విద్యార్థులను ప్రాక్టికల్స్, క్లాసులకు అనుమతించకుండా వేధిస్తే చర్యలు తీసుకోబడతాయన్నారు.
News November 25, 2024
గుడ్లవల్లేరు కాలేజీ ఘటనపై BIG UPDATE
గుడ్లవల్లేరు ఇంజినీరింగ్ కాలేజీ లేడీస్ హాస్టల్ బాత్రూంలల్లో ఎటువంటి హిడెన్ కెమెరాలు లేవని అధికారులు వెల్లడించారు. విద్యార్థుల వద్ద కూడా ఎటువంటి బాత్రూం ఫొటోలు గానీ, వీడియోలు గానీ లేవని స్టేట్ ఫోరెన్సిక్ లేబరేటరీస్ పరీక్ష ద్వారా నిర్ధారణ అయినట్లు కృష్ణాజిల్లా కలెక్టర్ బాలాజీ జిల్లా ఎస్పీ గంగాధరరావు సంయుక్తంగా సోమవారం తెలిపారు. విద్యార్థులు ఎటువంటి ఆందోళన చెందాల్సిన అవసరం లేదని స్పష్టం చేశారు.
News November 25, 2024
కృష్ణా: పీజీ పరీక్షల ఫలితాలు విడుదల
ఆచార్య నాగార్జున యూనివర్సిటీ పరిధిలో సెప్టెంబర్- 2024లో నిర్వహించిన ఎంఎస్సీ- బయో టెక్నాలజీ, బయో కెమిస్ట్రీ, ఆక్వా కల్చర్, ఫుడ్ సైన్స్, ఎలక్ట్రానిక్స్ కోర్సుల 2వ సెమిస్టర్ రెగ్యులర్ పరీక్షల ఫలితాలు సోమవారం విడుదలయ్యాయి. విద్యార్థులు అధికారిక వెబ్‌సైట్‌లో తమ రిజిస్టర్ నంబర్ ద్వారా రిజల్ట్స్ తెలుసుకోవచ్చు. పరీక్షల ఫలితాలకై అధికారిక వెబ్‌సైట్ https://www.nagarjunauniversity.ac.in/ చెక్ చేసుకోవచ్చు.