News January 4, 2025
ఉమ్మడి నిజామాబాద్ జిల్లా స్థాయి సైన్స్ క్విజ్ పోటీ
మాదక ద్రవ్యాలు, మత్తు పదార్థాలకు వ్యతిరేకంగా విద్యార్థులకు శనివారం నగరంలోని రాజీవ్ గాంధీ ఆడిటోరియంలో ఉమ్మడి నిజామాబాద్ జిల్లా స్థాయి సైన్స్ క్విజ్ -2025 పోటీ నిర్వహించారు. గెలుపొందిన వారికి ప్రొహిబిషన్ అండ్ ఎక్సైజ్ శాఖ నిజామాబాద్ డివిజన్ డిప్యూటీ కమిషనర్ వి.సోమిరెడ్డి, ఎక్సైజ్ సూపరింటెండెంట్లు మల్లారెడ్డి, హనుమంతురావు, ఎన్ఫోర్స్మెంట్ అసిస్టెంట్ ఎక్సైజ్ సూపరింటెండెంట్ చంద్రభాన్ బహుమతులు అందించారు.
Similar News
News January 6, 2025
కామారెడ్డి: ఓటర్ల లిస్టును ప్రకటించిన జిల్లా కలెక్టర్
రాష్ట్ర ఎన్నికల కమీషన్ ఆదేశాల మేరకు సోమవారం తుది ఓటర్ల లిస్ట్ వివరాలు ప్రకటించినట్లు కామారెడ్డి జిల్లా కలెక్టర్, జిల్లా ఎన్నికల అధికారి ఆశిష్ సాంగ్వాన్ తెలిపారు. కామారెడ్డి జిల్లాలో 6,90,317 ఓటర్లు కాగా, 3,33,070 మంది పురుషులు, 3,57,215 మంది స్త్రీలు, 32 మంది ఇతరులని తెలిపారు. నియోజక వర్గాల వారీగా ఓటర్ల వివరాలను సైతం తెలిపారు. అదేవిధంగా 600 మంది సర్వీస్ ఎలక్టర్స్ ఉన్నారన్నారు.
News January 6, 2025
NZB: ప్రజావాణి ఫిర్యాదులను సత్వరమే పరిష్కరించాలి: కలెక్టర్
ప్రజావాణి ఫిర్యాదులను సత్వరమే పరిష్కరించాలని జిల్లా కలెక్టర్ రాజీవ్ గాంధీ హనుమంతు అధికారులకు ఆదేశించారు. సోమవారం ప్రజావాణి సందర్భంగా కలెక్టరేట్‌లో అదనపు కలెక్టర్ అంకిత్, మున్సిపల్ కమిషనర్ దిలీప్‌తో పాటు జిల్లా స్థాయి అధికారులతో కలిసి వివిధ ప్రాంతాల నుంచి వచ్చిన ఫిర్యాదుదారుల నుంచి వినతుల స్వీకరించారు. ప్రజావాణిలో నమోదైన ఫిర్యాదులను పెండింగ్‌లో పెట్టకుండా పరిష్కరించాలని కలెక్టర్ ఆదేశించారు.
News January 6, 2025
NZB: కలెక్టరేట్‌ను ముట్టడించిన కార్మికులు
సివిల్ సప్లై కార్పొరేషన్ హమాలీలు 6వ రోజు సమ్మెలో భాగంగా కార్మికులు సోమవారం నిజామాబాద్ గిరిరాజ్ కళాశాల నుంచి ప్రదర్శన నిర్వహించి జిల్లా కలెక్టర్ కార్యాలయాన్ని ముట్టడించారు. వెంటనే జీవోను విడుదల చేయాలని జిల్లా అదనపు కలెక్టర్ అంకత్‌కు వినతిపత్రం అందజేశారు. కార్యక్రమంలో ఓమయ్య తదితరులు పాల్గొన్నారు.