News September 15, 2025

‘ఎనోలి, కోలంగూడా గ్రామానికి రోడ్డు సౌకర్యం కల్పించాలి’

వాంకిడి మండలం ఎనోలి, కోలంగూడా గ్రామాలకు రోడ్డు సౌకర్యం కల్పించాలని కోరుతూ సీపీఎం ఆధ్వర్యంలో గ్రామస్థులు సోమవారం కలెక్టర్ వెంకటేశ్ దోత్రేకు వినతిపత్రం సమర్పించారు. ఇటీవల కురిసిన భారీ వర్షాలకు రోడ్లు పూర్తిగా దెబ్బతిన్నాయని, నడిచి వెళ్లడానికి కూడా వీలు లేకుండా పోయిందని ఆవేదన వ్యక్తం చేశారు. ఈ సమస్యపై అధికారులు వెంటనే స్పందించి, రెండు గ్రామాలకు రోడ్డు మార్గాన్ని పునరుద్ధరించాలని వారు డిమాండ్ చేశారు.