News January 31, 2025
ఎన్టీఆర్: ఎం ఫార్మసీ పరీక్షల ఫలితాలు విడుదల
ఆచార్య నాగార్జున యూనివర్సిటీ పరిధిలో అక్టోబర్- 2024లో నిర్వహించిన ఎం.ఫార్మసీ 1వ, 3వ ఏడాది 2వ సెమిస్టర్ రెగ్యులర్ పరీక్షల ఫలితాలు శుక్రవారం విడుదలయ్యాయి. విద్యార్థులు అధికారిక వెబ్‌సైట్‌లో తమ రిజిస్టర్ నంబర్ ద్వారా రిజల్ట్స్ తెలుసుకోవచ్చు. పరీక్షల ఫలితాలకై అధికారిక వెబ్‌సైట్ https://www.nagarjunauniversity.ac.in/ చెక్ చేసుకోవాలని ANU పరీక్షల విభాగం సూచించింది.
Similar News
News January 31, 2025
NZB: కాల్ లెటర్లు అందజేసిన టాస్క్ సీఈవో
నిజామాబాద్ నగరంలోని ఐటీ హబ్‌లో ఉద్యోగాలు సాధించిన 30 మందికి టాస్క్ సీఈవో శ్రీకాంత్ సిన్హా శుక్రవారం కాల్ లెటర్లు అందజేశారు. అనంతరం సీఈఓ సిన్హా మాట్లాడుతూ.. నిజామాబాద్ లాంటి ద్వితీయ శ్రేణి నగరాల్లో సంస్థ స్థాపించడం శుభపరిణామన్నారు. ప్రపంచవ్యాప్తంగా రానున్న రోజుల్లో నడిచేది ఏఐ రంగమేనన్నారు. ఇలాంటి శిక్షణ కార్యక్రమాలు యువతలో ఏఐ నైపుణ్యాన్ని పెంపొందించడానికి దోహదపడతాయన్నారు.
News January 31, 2025
YS జగన్, భారతి ఫొటోలతో పెళ్లి శుభలేఖ
AP: స్టేట్ కాపు కార్పొరేషన్ మాజీ డైరెక్టర్ ముద్దాల తిరుపతి రావు మాజీ CM జగన్‌పై వినూత్న పద్ధతిలో అభిమానాన్ని చాటుకున్నారు. తన కూతురు ప్రత్యూష పెళ్లి సందర్భంగా జగన్, భారతి ఫొటోలను వెడ్డింగ్ కార్డుపై ప్రింట్ చేయించారు. వారి ఆశీస్సులతో తన కూతురి పెళ్లి జరుగుతుందని పేర్కొంటూ ఆహ్వానిస్తున్నారు. దీంతో ఈ శుభలేఖ నెట్టింట వైరల్ అవుతోంది. ఇక లండన్ టూర్ నుంచి జగన్ దంపతులు ఇవాళే ఇండియాకు తిరిగివచ్చారు.
News January 31, 2025
నీలంరాజుకు GOLD మెడల్.. లోకేశ్ అభినందనలు
AP: ఉత్తరాఖండ్‌లో జరుగుతున్న 38వ నేషనల్ గేమ్స్‌లో గుంటూరుకు చెందిన నీలంరాజు సత్తా చాటారు. వెయిట్ లిఫ్టింగ్‌ 67 కేజీల విభాగంలో తొలిస్థానంలో నిలిచి గోల్డ్‌మెడల్ సాధించారు. దీంతో నీలంరాజును మంత్రి నారా లోకేశ్ ట్విటర్ వేదికగా అభినందించారు. ఇది రాష్ట్ర ప్రజలందరూ గర్వించదగ్గ విషయం అని కొనియాడారు. భవిష్యత్తులో మరింతగా రాణించి పలువురికి ఆదర్శంగా నిలవాలని లోకేశ్ పేర్కొన్నారు.