News October 8, 2025
ఎన్టీఆర్: ఎమ్మెల్యే అన్నదమ్ములదే సెటిల్మెంట్ల హవా..?
జిల్లాలోని ఓ నియోజకవర్గ ఎమ్మెల్యే, అతని సోదరులు సెటిల్మెంట్లు, గంజాయి టూ ఇసుక దందాలు, కమీషన్లు, వాళ్ళు చెప్పిందే రియల్ ఎస్టేట్ ధర అన్నట్లు వ్యవహరిస్తున్నారనే ఆరోపణలు గుప్పుమంటున్నాయి. వచ్చే రూ.కోట్ల ఆదాయాన్ని సోదరులు పంచుకోవడంతో పాటు ఇవి బయటకు రాకుండా ఉండేలా సొంత, ప్రత్యర్థి పార్టీ నేతలకు మామూళ్లు ఇస్తున్నారనే చర్చ నడుస్తోంది. ప్రతీ స్టేషన్ పంచాయితీ కూడా వీరి కనుసన్నల్లోనే జరుగుతుందట.
Similar News
News October 8, 2025
వైవీయు నూతన వీసీగా రాజశేఖర్
కడప జిల్లా యోగివేమన యూనివర్సిటీ నూతన ఉపకులపతిగా బెల్లంకొండ రాజశేఖర్‌ను అధికారులు నియమించారు. కొన్ని నెలలుగా ఇన్‌ఛార్జ్ ఉపకులపతిగా అల్లం శ్రీనివాసరావు పనిచేస్తున్నారు. ఇక్కడ చాలాకాలంగా ఇన్‌ఛార్జే ఉండటంతో నూతన వీసీగా యూనివర్సిటీ ఆఫ్ హైదరాబాద్‌లో సీనియర్ ప్రొఫెసర్‌గా ఉన్న బెల్లంకొండ రాజశేఖర్‌ను నియమించారు.
News October 8, 2025
దగ్గు సిరప్‌‌పై కేంద్రం కీలక ఆదేశాలు
దగ్గు సిరప్‌తో MP, రాజస్థాన్‌లో 20 మంది చిన్నారులు ప్రాణాలు కోల్పోయిన విషయం తెలిసిందే. గత 24 గంటల్లో నలుగురు మరణించడంతో డైరెక్టరేట్ జనరల్ ఆఫ్ హెల్త్ సర్వీసెస్ అన్ని రాష్ట్రాలు, కేంద్ర పాలిత ప్రాంతాలకు ఆదేశాలు జారీ చేసింది. రా మెటీరియల్స్‌, ఫైనల్ ప్రొడక్ట్స్‌ అన్నీ క్షుణ్నంగా టెస్ట్ చేయాలంది. 4 ఏళ్లలోపు పిల్లలకు కోల్డ్, కాఫ్ సిరప్‌లు ఇవ్వొద్దని చెప్పినా విక్రయాలు జరగడంపై ఆగ్రహం వ్యక్తం చేసింది.
News October 8, 2025
నామినేషన్ల దాఖలులో ‘కోడ్’ పాటించాలి: నల్గొండ ఎస్పీ
స్థానిక సంస్థల ఎన్నికలలో జడ్పీటీసీ, ఎంపీటీసీ స్థానాలకు నామినేషన్లు దాఖలు చేయనున్న అభ్యర్థులు విధిగా ఎన్నికల ప్రవర్తనా నియమావళిని పాటించాలని ఎస్పీ శరత్ చంద్ర పవార్ స్పష్టం చేశారు. నామినేషన్ల దాఖలు సందర్భంగా నిర్వహించే ఊరేగింపు కార్యక్రమాలకు అభ్యర్థులు ముందుగా పోలీసు శాఖ నుంచి తప్పనిసరిగా అనుమతి తీసుకోవాలని ఎస్పీ కోరారు. నిబంధనలు అతిక్రమిస్తే కఠిన చర్యలు తప్పవని హెచ్చరించారు.