News November 29, 2025

ఎన్నికలు పూర్తయ్యే వరకు అప్రమత్తంగా ఉండాలి: కార్తీక్ రెడ్డి

image

పంచాయతీ ఎన్నికలు ముగిసే వరకు అధికారులు అప్రమత్తంగా ఉండాలని జిల్లా ఎన్నికల పరిశీలకులు కార్తీక్ రెడ్డి సూచించారు. సంగారెడ్డి కలెక్టర్ కార్యాలయంలో శనివారం అధికారులతో సమావేశం నిర్వహించారు. ఎన్నికలు పారదర్శకంగా జరిగేలా చర్యలు తీసుకోవాలన్నారు. వ్యయ పరిశీలకులు రాకేష్ మాట్లాడుతూ.. ఎన్నికల ప్రచార ఖర్చులను పకడ్బందీగా నమోదు చేయాలని సూచించారు. ఈ సమావేశంలో అదనపు కలెక్టర్ చంద్రశేఖర్ పాల్గొన్నారు.

Similar News

News November 30, 2025

రంగారెడ్డి: అన్నా.. ఏమైనా డబ్బులు ఉన్నాయా!

image

రంగారెడ్డి జిల్లాలోని 526 గ్రామ పంచాయతీలకు ఎన్నికలు జరగనున్నాయి. అయితే ఇందుకోసం వ్యవసాయ భూమి, ప్లాట్లను రిజిస్ట్రేషన్ చేసేందుకు ముందుకు వస్తున్నారు. వచ్చేనెలలో ఎన్నికలు నిర్వహించేందుకు ఈసీ నిర్ణయించిన నేపథ్యంలో నగదు సమకూర్చుకునే పనిలో బిజీగా ఉన్నారు. కాగా, అన్నా.. సర్పంచ్ రిజర్వేషన్ కలిసొచ్చింది.. ఏమైనా డబ్బులు ఉన్నాయా..! నేను గెలిస్తే నీవు గెలిచినట్టే అని పంచాయతీ పోటీదారులు అప్పులు చేస్తున్నారు.

News November 30, 2025

20 ప్రముఖ కంపెనీల్లో ఉద్యోగాలు: మంత్రి భరత్

image

కర్నూల్ కేవీఆర్ ప్రభుత్వ డిగ్రీ కళాశాలలో వచ్చే నెల 8న జాబ్ మేళా నిర్వహించనున్నట్లు మంత్రి టీజీ భరత్ తెలిపారు. పదో తరగతి నుంచి డిగ్రీ వరకు చదివిన నిరుద్యోగులు (18-35 ఏళ్లు) జాబ్ మేళాలో పాల్గొనవచ్చన్నారు. 20 కంటే ఎక్కువ ప్రముఖ కంపెనీల ప్రతినిధులు హాజరవుతారని స్కిల్ అభివృద్ధి అధికారి ఆనంద్ రాజ్ కుమార్ తెలిపారు. అనంతరం జాబ్ మేళాకు సంబంధించిన కరపత్రాలను శనివారం విడుదల చేశారు.

News November 30, 2025

మళ్లీ పెరిగిన చలి

image

TG: రాష్ట్రంలో 2 రోజులుగా చలి తీవ్రత పెరిగింది. శుక్రవారం రాత్రి నుంచి శనివారం ఉదయం వరకు 19జిల్లాల్లో 12డిగ్రీల కంటే తక్కువగా ఉష్ణోగ్రతలు నమోదయ్యాయి. అత్యల్పంగా సంగారెడ్డి జిల్లా కోహిర్‌లో 7.8డిగ్రీల టెంపరేచర్ నమోదైంది. అటు దిత్వా తుఫాను వల్ల పలు జిల్లాల్లో ఇవాళ వర్షాలకు ఛాన్స్ ఉందని వాతావరణశాఖ తెలిపింది. ఖమ్మం, నల్గొండ, సూర్యాపేట, నాగర్ కర్నూల్ జిల్లాల్లో వానలు పడతాయని అంచనా వేసింది.