News November 30, 2025
ఎన్నికల భద్రత కట్టుదిట్టం: ASF SP
ఆసిఫాబాద్ జిల్లాలో రెండో దఫా సర్పంచ్ నామినేషన్లు ప్రారంభం కావడంతో పోలీస్ విభాగం భద్రతా ఏర్పాట్లు కట్టుదిట్టం చేసింది. జిల్లా వ్యాప్తంగా మూడు చెక్‌పోస్టులు ఏర్పాటు చేసి 24 గంటల నాకబంది, వాహనాల తనిఖీలు నిర్వహిస్తున్నట్లు SP నితికా పంత్ తెలిపారు. అక్రమ నగదు రవాణా, మద్యం పంపిణీ వంటి చర్యలను అరికట్టేందుకు ప్రత్యేక బృందాలు పనిచేస్తున్నాయన్నారు.
Similar News
News November 30, 2025
మీరు దోపిడీ చేసి.. మాపై ఆరోపణలా: బీజేపీ
కేంద్రం ప్రతీకార రాజకీయాలు చేస్తోందని కాంగ్రెస్ చేసిన <<18430142>>ఆరోపణలపై <<>>BJP మండిపడింది. ఈ కేసు 2008 నాటిదని, అప్పుడు కేంద్రంలో మోదీ లేరని చెప్పింది. ‘కేవలం ₹50 లక్షలతో నేషనల్ హెరాల్డ్‌ను యంగ్ ఇండియన్ కంపెనీకి బదిలీ చేశారు. అందులో 76% వాటా సోనియా, రాహుల్‌కు వెళ్లింది. ఇది స్పష్టమైన దోపిడీ. మీరు దోపిడీ చేసి యజమాని అవుతారు. మిమ్మల్ని ఇరికించారని మాపై ఆరోపణలు చేస్తారు’ అని BJP నేత రవి శంకర్ ప్రసాద్ ఫైరయ్యారు.
News November 30, 2025
నెల్లూరు జిల్లాకు రెడ్ అలర్ట్.!
నెల్లూరు జిల్లాకు దిత్వా తుఫాన్ నేపథ్యంలో వాతావరణ శాఖ రెడ్ అలర్ట్ జారీ చేసింది. ఇప్పటికే జిల్లాలోని పలు ప్రాంతాల్లో మోస్తరు వర్షాలు కురుస్తున్నాయి. రేపు ఈదురు గాలులతో కూడిన భారీ వర్షం కురిసే అవకాశం ఉన్నట్లు ప్రకటించింది. భారీ వృక్షాల వద్ద నిలబడరాదని, పాత భవనాల్లో ఉండే ప్రజలు సురక్షిత ప్రాంతాలకు చేరాలని అధికారులు సూచించారు. ప్రకాశం జిల్లాలో కూడా RED అలర్ట్ ప్రకటించిన విషయం తెలిసిందే.
News November 30, 2025
MBNR: నామినేషన్ కేంద్రాలను సందర్శించిన ఎస్పీ
స్థానిక సంస్థల ఎన్నికల నేపథ్యంలో భద్రతా ఏర్పాట్లను మరింత పటిష్ఠం చేసేందుకు భాగంగా ఈరోజు జిల్లా ఎస్పీ డి.జానకి కోయిలకొండ పోలీస్ స్టేషన్ పరిధిలోని రెండో విడత నామినేషన్ కేంద్రాలైన కోయిలకొండ, సంగినోని పల్లి, ఎల్లారెడ్డిపల్లి, మోదీపూర్, శేరివెంకటపూర్, సూరారం, ఖాజీపూర్ గ్రామాలను వరుసగా సందర్శించారు. ఎన్నికల సమయంలో ఎలాంటి అవాంఛనీయ సంఘటనలు చోటు చేసుకోకుండా చూడాలని ఆదేశించారు. ఎస్సై తిరుపాజి పాల్గొన్నారు.