News November 30, 2025
ఏటూరునాగారంలో సర్పంచ్ బరిలో ఇద్దరు ‘శ్రీలత’లే
ఏటూరునాగారంలో సర్పంచ్‌గా పోటీ చేసే ఇద్దరు మహిళా అభ్యర్థుల పేర్లు శ్రీలత కావడం గమనార్హం. ప్రధాన పార్టీలైన బీఆర్ఎస్ నుంచి కాకులమర్రి శ్రీలత పోటీలో ఉండగా, కాంగ్రెస్ నుంచి గుడ్ల శ్రీలత బరిలో ఉన్నారు. అయితే, ఇద్దరి పేరు ఒకేలా ఉండటంతో కొంతమంది నిరక్షరాస్యులు, వృద్ధులు తికమక పడుతున్నారు. కాగా, స్థానిక ఎన్నికలకు పార్టీ గుర్తులు సైతం ఉండకపోవడంతో ఎన్నికల కమిషన్ కేటాయించే గుర్తులతో ప్రచారం చేయనున్నారు.
Similar News
News November 30, 2025
మహారాష్ట్ర సరిహద్దులో రైలు ఢీకొని పులి మృతి
తెలంగాణ–మహారాష్ట్ర సరిహద్దులోని మాణిగ్గర్–విర్గాం సమీపంలో రైలుప్రమాదం జరిగింది. ఆదివారం సాయంత్రం సిర్పూర్ శివారులో రైలు ఢీకొనడంతో పులి అక్కడికక్కడే మృతి చెందినట్లు అటవీశాఖ అధికారులు తెలిపారు. సమాచారం అందిన వెంటనే ఘటనా స్థలానికి చేరుకుని పరిస్థితిని పరిశీలించామన్నారు. పులి ట్రాక్‌పైకి ఎలా చేరిందనే దానిపై దర్యాప్తు కొనసాగుతోందన్నారు.
News November 30, 2025
RRR నిర్మాణంలో కీలక పరిణామం
హైదరాబాద్ రీజినల్ రింగ్ రోడ్ పనులకు సంబంధించి కీలక పరిణామం చోటు చేసుకుంది. 6 లేన్ రోడ్ నిర్మాణంలో భాగంగా దాదాపు 161 కిలోమీటర్ల పనులకు చేపట్టాలని నేషనల్ హైవే అథారిటీ అధికారులు నిర్ణయించారు. గతంలో నాలుగు లైన్లను నిర్మించాలని నిర్ణయించగా రాష్ట్ర ప్రభుత్వం అభ్యంతరం తెలిపింది. భవిష్యత్తులో ట్రాఫిక్ సమస్యలు ఉత్పన్నం కాకుండా 6 లైన్స్ నిర్మించాలని కోరింది.
News November 30, 2025
డ్రై పోర్ట్ రహస్యం బ్రేక్: బాంబే పోర్ట్ కథ ముగిసినట్టేనా?
HYD శివారులో భారత్ ఫ్యూచర్ సిటీ(BFC)లో భాగంగా ప్రత్యేక డ్రై పోర్ట్‌ను ఏర్పాటు చేయడం TG ఆర్థిక లక్ష్యంలో కీలకంగా మారనుంది. పరిశ్రమలను నగరం దాటించే CURE-PURE-RARE నమూనా కింద 100% SGST రీయింబర్స్‌మెంట్‌తో భారీ రాయితీలు ఇస్తున్నారు. ఈ పోర్ట్ నుంచి మచిలీపట్నం రేవు వరకు 298KM గ్రీన్ కారిడార్ హైవే నిర్మిస్తారు. దీంతో వాణిజ్య ఎగుమతులకు సమయం ఆదా అవుతుంది. ఇది జరిగితే ముంబై పోర్ట్‌పై ఆధారపడటం తగ్గుతుంది.