News November 4, 2025

ఏటూరునాగారం: అటవీశాఖ సార్లు.. ఇదేం పని..!

ఏటూరునాగారం మండలం కొమురంభీం గుత్తికోయగూడెంలో ఇటీవల అటవీశాఖ అధికారులు ఓ పాఠశాల నిర్మాణ పనులను అడ్డుకున్నారు. దీంతో అటవీశాఖ అధికారుల తీరుపై విమర్శలు వస్తున్నాయి. పాఠశాల భవనం స్లాబ్ లెవెల్ వచ్చేవరకు బీట్ పరిధి అధికారులు అటువైపు కన్నెత్తి చూడకపోవడం ఏంటని ఆరోపిస్తున్నారు. తీరా పైకప్పు వేసే సమయంలో నిర్మాణం ఆపేయడం ఏంటని ప్రశ్నిస్తున్నారు. కాగా, ఈ పాఠశాల భవనానికి కలెక్టర్ నిధులు మంజూరు చేశారు.