News April 3, 2025
ఏలూరు: జిల్లాలో బుధవారం 5 గురు ఆత్మహత్యలు
ఏలూరు జిల్లాలో బుధవారం వివిధ కారణాలతో 5 గురు ఆత్మహత్య చేసుకున్నారు. అందులో ముదినేపల్లి మండలం జానకిగూడెంకి చెందిన పిచ్చేటి కొండయ్య(42), పెదవేగి మండలం లక్ష్మీపురంకి చెందిన ఉపేంద్ర(27), పెదపాడు మండలం తోటగూడెంకి చెందిన నార్ని సాంబశివరావు(42), సకలకొత్తపల్లి చెందిన సాకేటి సూర్యారావు(52), గుడిపాడు గ్రామానికి చెందిన నూరు లాజర్ (52) ఉన్నారు. వ్యక్తిగత కారణాలతో, ఆర్థిక ఇబ్బందులతో మనస్తాపంతో మృతి చెందాడు.
Similar News
News April 4, 2025
పాడేరు: తాగునీటి సమస్య పరిష్కారానికి టోల్ ఫ్రీ నంబర్లు
వేసవిలో తాగునీటి ఎద్దడి లేకుండా అన్ని చర్యలు చేపట్టామని కలెక్టర్ దినేశ్ కుమార్ గురువారం తెలిపారు. జిల్లాలోని 3 ఐటీడీఏల్లో టోల్ ఫ్రీ నంబర్లు ఏర్పాటు చేశామన్నారు. తాగునీటి సమస్యలను వెంటనే పరిష్కరిస్తామన్నారు. తాగునీటి సమస్యలపై వచ్చే ఫిర్యాదులను ప్రతిరోజూ పర్యవేక్షిస్తామన్నారు. కలెక్టరేట్‌లో 18004256826, పాడేరు ఐటీడీఏలో 8935250833, రంప 18004252123, చింతూరు 8121729228 నంబర్లు ఏర్పాటు చేశామన్నారు.
News April 4, 2025
అమ్మాయి పుడితే పండగ చేసుకోవాలి: ఖమ్మం కలెక్టర్
అమ్మాయి పుడితే ఇంటిల్లిపాది పండగ చేసుకోవాలని, అదృష్టం ఉన్న వాళ్లకు మాత్రమే ఆడపిల్లలు పుడతారని ఖమ్మం జిల్లా కలెక్టర్ ముజమ్మిల్ ఖాన్ అన్నారు. కామేపల్లి(మం) కొత్త లింగాలలో ఉండేటి అమృత-సుధాకర్ దంపతులకు ఇటీవల ఆడపిల్ల పుట్టగా, కలెక్టర్ విషయం తెలుసుకొని వారి ఇంటికి వెళ్లి పాప తల్లిదండ్రులతో పాటు అత్తా, మామలను కలిసి స్వీట్ బాక్స్, ఫ్రూట్స్, సర్టిఫికేట్ అందజేశారు. అనంతరం తల్లిదండ్రులను సత్కరించారు.
News April 4, 2025
ధాన్యానికి రూ.500 బోనస్ చరిత్ర: మంత్రి పొంగులేటి
రాష్ట్రంలో ప్రజలు మార్పు కావాలనే ఇందిరమ్మ రాజ్యం తెచ్చుకున్నారని, కాంగ్రెస్ పాలనలో రైతును రాజు చేయడమే తమ లక్ష్యమని మంత్రి పొంగులేటి శ్రీనివాస్ రెడ్డి అన్నారు. కూసుమంచి మండలం నాయకన్‌గూడెంలో మంత్రి ధాన్యం కనుగోలు కేంద్రాన్ని ప్రారంభించి, మాట్లాడారు. దేశచరిత్రలోనే మొదటిసారిగా ధాన్యానికి క్వింటాకు రూ.500 బోనస్ ఇచ్చామని తెలిపారు. కార్యక్రమంలో నేతలు, అధికారులు పాల్గొన్నారు.