News October 17, 2025
ఒక్కటైనా నేపాల్ అమ్మాయి- కామారెడ్డి అబ్బాయి
కామారెడ్డి జిల్లా మహమ్మద్ నగర్ మండలం తెల్గపూర్ వాసి రవీందర్, నేపాల్ యువతి ప్రేమించుకున్నారు. దుబాయ్‌లో ఉద్యోగం చేస్తున్న రవీందర్ తన కార్యాలయంలో పనిచేస్తున్న నేపాల్ యువతితో ప్రేమలో పడ్డాడు. ఇరు కుటుంబాలు అంగీకరించడంతో ఈ జంట ఇండియాకు వచ్చి గురువారం తెల్లాపూర్ గ్రామంలో భారతీయ సంప్రదాయ పద్ధతిలో వివాహం చేసుకున్నారు. గ్రామస్తులు, నాయకులు వివాహానికి హాజరై నవ దంపతులను అభినందించి ఆశీర్వదించారు.
Similar News
News October 17, 2025
HYD: IPS బ్యాచ్ పాసింగ్ పరేడ్‌కు BSF DG
HYDలోని SVP నేషనల్ పోలీస్ అకాడమీలో 77వ RR IPS బ్యాచ్ శిక్షణ పూర్తైంది. మొత్తం 190 మంది IPSలు, అందులో 65మంది మహిళలు (36%) ఉన్నారు. 50% మంది ఇంజినీరింగ్ నేపథ్యంతో అభ్యర్థులు ఉన్నారు. పరేడ్‌కు BSF DG దల్జిత్ సింగ్ చౌదరి ముఖ్య అతిథిగా హాజరై, ప్రతిభావంతులైన ట్రైనీలకు అవార్డులు అందజేయానున్నారు. 49 వారాల పాటు కఠిన శిక్షణ పూర్తిచేసిన అధికారులు త్వరలో బాధ్యతలు చేపడతారు.
News October 17, 2025
NLG: వీళ్లు మారడం లేదు.. అనుమతుల్లో చేతివాటం!
జిల్లాలో బాణాసంచా దుకాణాల పర్మిషన్ల కోసం అగ్నిమాపక శాఖ అధికారులు చేతివాటం ప్రదర్శిస్తున్నారు. ఒక్కో షాపునకు రూ.5 నుంచి రూ.8 వేలు డిమాండ్ చేస్తున్నట్లు సమాచారం. జిల్లాలో అన్ని ప్రాంతాల్లోనూ ఇవే ఇబ్బందులు ఎదురవుతున్నాయని వ్యాపారులు ఆవేదన వ్యక్తం చేస్తున్నారు. తాజాగా టపాకాయల దుకాణం లైసెన్స్ కోసం దరఖాస్తు చేసుకున్న వ్యక్తి నుంచి లంచం తీసుకుంటూ అగ్నిమాపక శాఖ అధికారి ఏసీబీకి చిక్కిన విషయం తెలిసిందే.
News October 17, 2025
జనగామ: ప్రదక్షిణలతో వేసారి.. పరిష్కరించే వారేరి?
ప్రజావాణి కార్యక్రమంపై ప్రజల్లో ఆశలు సన్నగిల్లుతున్నాయి. ఒకప్పుడు సమస్య ఏదైనా జిల్లా అధికారులందరి సమక్షంలో జరిగే ప్రజావాణి వేదికలో సత్వర పరిష్కార మార్గాలు జరిగేవి. ప్రతి సోమవారం కలెక్టరేట్లో జరిగే ప్రజావాణిలో దరఖాస్తులు అందించి నెలలు, ఏళ్లు గడుస్తున్నా పరిష్కారానికి నోచుకోవడం లేదు. దీంతో వందల సంఖ్యలో దరఖాస్తులు పేరుకుపోతున్నాయి. ప్రజా’వాణి’ వినేవారు కరవయ్యారని ప్రజలు ఆవేదన వ్యక్తం చేస్తున్నారు.